သရုပ်ဆောင်အကယ်ဒမီဒွေး ရဲ့ ကွယ်လွန်ခြင်းအထိမ်းအမှတ်(၁၀)နှစ်ပြည့်အခမ်းအနားကို ဇူလိုင်လ ၂၁ ရက်နေ့ ညနေ ၄ နာရီက စပြီး လှည်းတန်းစင်တာမှာ ကျင်းပပြုလုပ်နေတာဖြစ်ပါတယ်။ ဒီအခမ်းအနားလေးမှာ တော့ ဒွေးရဲ့ အဝတ်အစားတွေနဲ့ ကိုယ်တိုင် ရေးဆွဲခဲ့တဲ့ ပန်းချီကားတွေကို လေလံတင်ရောင်းချလျှက်ရှိပြီး ရရှိလာတဲ့ ငွေကြေးတွေကိုတော့ အမှန်တကယ်လိုအပ်တဲ့ နေရာတွေ မှာ အလှူအတန်းတွေဆောင်ရွက်သွားမယ်လို့ သိရပါတယ်။
ဒွေး ကွယ်လွန်ခြင်း ၁၀ နှစ်ပြည့်အခမ်းအနားနဲ့ပတ်သက်ပြီး တက်ရောက်လာတဲ့ အနုပညာရှင်များက ဒွေးနဲ့ပတ်သက်တဲ့ အမှတ်တရစကားတွေကို Duwun Media ကနေတဆင့် အခုလိုပြောပြခဲ့ပါတယ်။
မိုးမိုး(ဒွေးရဲ့ဇနီး)
------------
''လွမ်းရတဲ့အရာတွေကတော့ ပြောရမယ်ဆို အရာရာတိုင်းက လွမ်းစရာတွေချည်းပါပဲ။ ဒီလိုပွဲလေးကလည်း အစ်မဖြစ်ချင်တဲ့ ဆန္ဒ လေးပါ ဒီပွဲလုပ်ရတာလည်း ပိုက်ဆံလိုချင်လို့မဟုတ်ပါဘူး။ ကိုသားကြီးကို ချစ်တဲ့ ပရိသတ်တွေ အတွက် အမှတ်တရဖြစ်စေ ချင်လို့ပါ။ ဒီ့အတွက် တမလွန်က သူ့ကိုလည်း ကျေးဇူးတင်ပါတယ်။
ဇွဲနိုင်ဝင်း(သရုပ်ဆောင်)
----------------------
''အမှတ်တရပွဲလေးကို ကျွန်တော်ရယ် ၊အစ်မရယ် ၊ ဗိုက်တာကဒ်က တာဝန်ရှိသူတွေရယ် ပူးပေါင်းပြီးတော့ လုပ်ကြတယ်။အစ်မကလည်း ကိုသားကြီးနဲ့ပတ်သက်တဲ့ အမှတ်တရ ပစ္စည်းလေးတွေကို ကိုသားကြီးရဲ့ ပရိသတ်တွေလက်ထဲကို
ရောက်အောင် တက်နိုင်တဲ့ဈေးနဲ့ရောင်းတယ် ရရှိလာတဲ့ငွေကြေးကိုလည်း အလှူအတန်းတွေပြုလုပ်သွားမှာပါ။ ကျွန်တော့် အနေနဲ့ကတော့ ကိုသားကြီးကို ဘယ်တော့မှ မမေ့ပါဘူး။ အစ်ကို့ ကိုချစ်တဲ့ ပရိသတ်တွေလည်း ကျွန်တော်နဲ့
ထပ်တူခံစားရမှာပါ။ ''
သားညီ(သရုပ်ဆောင်)
--------------------------
''အမှတ်တရတွေကတော့ အများကြီးပါပဲ နှစ်ပေါင်းများစွာ အတူတူနေခဲ့ရတဲ့ ညီအစ်ကိုတွေလည်း ဖြစ်နေတော့ ပြောလို့မကုန် ပါဘူး။ ကျွန်တော် အခု ဒါရိုက်တာသားညီဆိုပြီးရပ်တည်နိုင်တာက သူ့ရဲ့အထောက်အပံ့ ၇၀ ရာခိုင်နှုန်းလောက်ပါတယ်။ကိုသားကြီးသာ ကြားနိုင်မယ်ဆိုရင်တော့ လွမ်းတယ် လို့ပဲပြောချင်ပါတယ်။ ''
ညိုမင်းလွင်(ဒါရိုက်တာ)
-------------------
''ဒီဘက်ခေတ်လူငယ်တွေမှာ ဒွေးကို သိတဲ့လူရှိသလို မသိတဲ့လူတွေလည်းရှိပါတယ်။သိတဲ့သူတွေအတွက်ကတော့ ဒါက အမှတ်တရ ရှိတဲ့အချိန်တစ်ခုပါ။ မသိသေးတဲ့သူတွေအတွက်ကတော့ ဒွေးဆိုတာဘယ်လိုလူမျိုးလဲလို့ မိတ်ဆက်ပေးရတဲ့ပွဲပါ။ ကျွန်တော့်စိတ်ထဲမှာ တော့ သူဘယ်တော့မှ မသေပါဘူး။''
ဝေယံမိုး(ဒွေးရဲ့ သား)
-----------------------
''ကျွန်တော်ကတော့ အခုလက်ရှိမှာ စင်္ကာပူမှာ ကျောင်းတက်နေပါတယ်။ဒီပွဲလေးကို လုပ်မယ်ဆိုတာလည်း လွန်ခဲ့တဲ့ ၂ပတ်လောက် က မှ သိတာပါ။ အဖေ့ကိုတော့ သတိရတယ်။ ဒါပေမယ့် ရင်ထဲမှာပဲ သိမ်းထားတယ် ထုတ်မပြပါဘူး။ အဖေနဲ့ကျွန်တော်နဲ့ ပုံတွေကို ကွန်ပျူတာထဲမှာ သိမ်းထားတယ်။ တစ်ခါတစ်လေကျရင် အရင်တုန်းက အကြောင်းလေးတွေ စဉ်းစားတယ် သူမဆုံးခင် ကျွန်တော့် မွေးနေ့တုန်းက စက်ဘီးဝယ်ပေးသွားတယ် ဒါကတော့ အမှတ်တရပါပဲ။''
ထွန်းထွန်း(သရုပ်ဆောင်၊ အဆိုတော်)
-------------------
''ကျွန်တော်ကတော့ ကိုသားကြီးရဲ့ ပရိသတ်တစ်ယောက်အနေနဲ့ အားပေးခဲ့တာပါ။ ကိုသားကြီးနဲ့အတူတူ နိုင်ငံတော်အကျိုးပြု ဇာတ်ကား တစ်ကားတော့ရိုက်ခဲ့ဖူးတယ် ဒါကတော့ အမှတ်တရပါပဲ။ကိုသားကြီးမှန်း သိခဲ့တဲ့ဇာတ်ကားကတော့ ဒုက္ခကို အရောင် ဆိုးထားတယ် ဆိုတဲ့ဇာတ်ကားကြီးကို ကျွန်တော် အခုချိန်ထိ အရမ်းကြိုက်နေတုန်းပါပဲ။ဇာတ်ကား အတူတူရိုက်တုန်းက ကိုသားကြီး ပြောခဲ့ဖူးတယ် မင်းတို့ အလုပ်တစ်ခုလုပ်မယ်ဆိုရင် အလုပ်နဲ့တူအောင်လုပ်၊ လက်ခံပြီး မှ လုပ်လိုက်တဲ့အလုပ်ကို ပြီးပြတ်အောင်လုပ် စေတနာထားပြီးတော့လုပ် ဒါတွေကတော့ ကျွန်တော့်ကိုပြောခဲ့တဲ့ စကားတွေပေါ့။ သူ့ရဲ့ အင်္ကျီ ကျွန်တော်မှာ တစ်ထည်ရှိတယ်''
မုဏ်း(သရုပ်ဆောင်)
--------------------------
''မုဏ်းကိုယ်တိုင်ကလည်း ကိုသားကြီးကို အရမ်းသဘောကျခဲ့တဲ့ ပရိသတ်တစ်ယောက်နေနဲ့ ပွဲလေး တက်ရောက်ဖြစ်တာပါ။ အခုချိန် ထိ ကိုသားကြီးရဲ့ ဇာတ်ကားတွေကို ပြန်ကြည့်ပြီးတော့ အတုယူနေရတုန်းပါ။ကိုသားကြီးလို ကြယ်တစ်ပွင့်ဆုံးရှုံးသွား ရတဲ့အတွက် လည်း စိတ်မကောင်းဖြစ်တယ်။ အရင်တုန်းကလည်း အရမ်းကြိုက်ခဲ့ရသလို အခုချိန်ထိလည်း စံနမူနာထားရပါတယ်။အခုချိန်ထိ ကိုသားကြီးသာရှိနေဦးမယ်ဆိုရင် ကိုသားကြီးရှုတင်တိုင်း လိုက်ကြည့်မိမယ်ထင်တယ်။ ''
Photo: Duwun
0 comments :
Post a Comment