ယေန႔နံနက္ ၉ နာရီတြင္ ေမာင္းမကန္-မရင္းႀကီး ကမ္းေျခတစ္ေလွ်ာက္ ရွာေဖြေရးလုပ္ေဆာင္ေနသည့္ ေျမျပင္တပ္မ်ားက အမ်ိဳးသားရုပ္အေလာင္း ၁ ေလာင္း၊ က်ား/မ မခြဲျခားႏုိင္ရုပ္အေလာင္း ၁ ေလာင္း စုစုေပါင္းရုပ္အေလာင္း ၂ ေလာင္း ထပ္မံရွာေဖြေတြ႕ရွိခဲ့သျဖင့္ ယခုအခ်ိန္အထိ စုစုေပါင္းရုပ္အေလာင္း ၈၅ ေလာင္း ရွာေဖြေတြ႕ရွိၿပီးျဖစ္သည္။
ေနျပည္ေတာ္၊ ဇြန္ ၁၃
(Unicode Version)
ယနေ့နံနက် ၉ နာရီတွင် မောင်းမကန်-မရင်းကြီး ကမ်းခြေတစ်လျှောက် ရှာဖွေရေးလုပ်ဆောင်နေသည့် မြေပြင်တပ်များက အမျိုးသားရုပ်အလောင်း ၁ လောင်း၊ ကျား/မ မခွဲခြားနိုင်ရုပ်အလောင်း ၁ လောင်း စုစုပေါင်းရုပ်အလောင်း ၂ လောင်း ထပ်မံရှာဖွေတွေ့ရှိခဲ့သဖြင့် ယခုအချိန်အထိ စုစုပေါင်းရုပ်အလောင်း ၈၅ လောင်း ရှာဖွေတွေ့ရှိပြီးဖြစ်သည်။
နေပြည်တော်၊ ဇွန် ၁၃
ဇြန္ ၁၃ ရက္နံနက္ပိုင္းတြင္ ပင္လယ္ျပင္အတြင္း လိႈင္းအျမင့္မီတာ ၂ မီတာႏွင့္ ေလတိုက္ႏႈန္း ၁ နာရီ ၁၀ မိုင္မွ ၁၅ မိုင္အၾကားရွိၿပီး ရွာေဖြကယ္ဆယ္ေရးလုပ္ငန္းမ်ား လုပ္ေဆာင္သည့္ေနရာတစ္၀ိုက္တြင္ လိႈင္းအျမင့္ ၁ မီတာႏွင့္ ေလတိုက္ႏႈန္း ၁ နာရီ ၅ မိုင္ႏွင့္ ၁၀ မိုင္အၾကားသာရွိ၍ ရွာေဖြကယ္ဆယ္ေရးလုပ္ငန္းမ်ားကို တိုးျမွင့္လုပ္ေဆာင္လ်က္ရွိသည္။ ပ်က္က်ေလယာဥ္အားလည္း ဆိုနာစနစ္တပ္ဆင္ထားသည့္ တပ္မေတာ္(ေရ)မွ စစ္ေရယာဥ္မ်ားျဖင့္ ေနရာျဖန္႔ခြဲ၍ ရွာေဖြျခင္း၊ ေရငုပ္ကၽြမ္းက်င္စစ္သည္မ်ားျဖင့္ ေရငုပ္ရွာေဖြျခင္းမ်ား လုပ္ေဆာင္လ်က္ရွိသည္။
ေနျပည္ေတာ္၊ ဇြန္ ၁၃
(Unicode Version)
ဇွန် ၁၃ ရက်နံနက်ပိုင်းတွင် ပင်လယ်ပြင်အတွင်း လှိုင်းအမြင့်မီတာ ၂ မီတာနှင့် လေတိုက်နှုန်း ၁ နာရီ ၁၀ မိုင်မှ ၁၅ မိုင်အကြားရှိပြီး ရှာဖွေကယ်ဆယ်ရေးလုပ်ငန်းများ လုပ်ဆောင်သည့်နေရာတစ်ဝိုက်တွင် လှိုင်းအမြင့် ၁ မီတာနှင့် လေတိုက်နှုန်း ၁ နာရီ ၅ မိုင်နှင့် ၁၀ မိုင်အကြားသာရှိ၍ ရှာဖွေကယ်ဆယ်ရေးလုပ်ငန်းများကို တိုးမြှင့်လုပ်ဆောင်လျက်ရှိသည်။ ပျက်ကျလေယာဉ်အားလည်း ဆိုနာစနစ်တပ်ဆင်ထားသည့် တပ်မတော်(ရေ)မှ စစ်ရေယာဉ်များဖြင့် နေရာဖြန့်ခွဲ၍ ရှာဖွေခြင်း၊ ရေငုပ်ကျွမ်းကျင်စစ်သည်များဖြင့် ရေငုပ်ရှာဖွေခြင်းများ လုပ်ဆောင်လျက်ရှိသည်။
နေပြည်တော်၊ ဇွန် ၁၃
0 comments :
Post a Comment