"ဖခင် ပြန်အလာကို(၁၈)နှစ်ခွဲတိတိ စောင့်နေရှာတဲ့ (၇)နှစ်သမီးလေးရဲ့ ရင်နင့်ဖွယ် အရိုးများ"(ဖြစ်ရပ်မှန်)

"ဖခင် ပြန်အလာကို(၁၈)နှစ်ခွဲတိတိ
စောင့်နေရှာတဲ့
(၇)နှစ်သမီးလေးရဲ့အရိုးများ"
(သို့မဟုတ်)
" ကြာနီကန်မှာ ရွာတဲ့မိုး"
...................
မန္တလေး အိုးဖိုထောင်ထဲက
နိုင်ငံရေးအကျဉ်းသားကျွန်တော့်ကို
တွေ့ခွင့်ရဖို့အတွက်
သူ့အဖွားနဲ့အတူ
ပဲခူးကနေ လိုက်လာတဲ့
(၇)နှစ်သမီးလေးခိုင်ဇွန်မောင်မောင်ဟာ
ထောင်ဝင်စာတွေ့ပြီးအပြန်မှာပဲ
ညတွင်းချင်းဆုံးပါးသွားခဲ့ရတာကြောင့်
မန္တလေး ကြာနီကန်
အေးရိပ်ငြိမ်သုဿ န်အတွင်း
မြေမြှုပ်သဂြိုလ်ခဲ့ရတယ်။

အဲဒီနေ့ နေ့လည်
ထောင်ဝင်စာတွေ့ရတုန်းကတောင်
ဒုတိယတန်းမှာ သူဆုရတဲ့အကြောင်း
သမီးကပြောသေးတယ်၊
"ဆုပေးပွဲအမှီဖေဖေပြန်လာမှာလား"လို့
မေးရှာပေမယ့်
သမီးစိတ်ကျေနပ်စေမယ့်အဖြေစကား ကျွန်တော်မပေးနိုင်ခဲ့ပါဘူး။

"ဖေကြီး....မီးမီး ဒီနှစ်ဆုယူရင်
ဖေကြီးပြန်လာပါနော်
ပြန်လာနော်..."လို့
တတွတ်တွတ် မှာနေသံကို
နားထဲ ခုထိကြားယောင်နေဆဲပါ။

ထောင်ဝင်စာတွေ့ခွင့်ရချိန်က
(၁၅)မိနစ်တည်းမို့၊
သမီးလေးက အဖေနဲ့စကားပြောရတာ
မဝသေးဘူးဖြစ်နေတော့
"ဖေကြီးနဲ့ထပ်တွေ့ချင်သေးတယ်"လို့
ပူဆာရှာပါတယ်။

အဲ့ဒီနေ့ ကျွန်တော့်ကို
ထောင်ဝင်စာတွေ့အပြီးအပြန်၊
(၁၉၉၈)ခုနှစ် ဇွန် (၁၃)ရက်နေ့အကူး
မနက်(၃)နာရီမှာ
ဘာရောဂါအခံမှ မရှိပါဘဲ
သမီးလေးခမျာ
ရုတ်ချည်းကွယ်လွန်ဆုံးပါးသွားရရှာတယ်။

ထောင်ထဲမှာ ကျွန်တော်ကိုယ်တိုင်လည်း
သွေးတိုး၊လေဖြတ်ရောဂါ
ခံစားနေရတာကြောင့်
မိသားစုက
ကျွန်တော်စိတ်မကောင်းဖြစ်မှာစိုးလို့
ဒီကိစ္စ အသိမပေးဘဲ
ဖုံးကွယ်ထားခဲ့တဲ့အတွက်
ဆုံးပြီး(၂)နှစ်အကြာ(၂၀၀၁)ခုနှစ်ကျမှပဲ
သမီးဆုံးတဲ့အကြောင်းကျွန်တော်သ်ိရတယ်။

သြော်...ဖေကြီးရဲ့ သမီးလေးရယ်..

(၂၀၀၃)ခုနှစ်
ထောင်ကပြန်လွတ်လာကတည်းက
သမီးအလောင်းမြှုပ်ထားတဲ့
နေရာကို ပြန်ရှာချင်ခဲ့တာ။

ကျန်းမာရေးအတွက်
အရင်ဆုံး ဆေးဝါးကုသ နေရပြီး
ပြိုလဲသွားရတဲ့ဘဝကိုပြန်ထူမတ်ဖို့
အချိန်ယူ ကြိုးစားနေရတာကြောင့်
(၂၀၁၆)ဒီဇင်ဘာ(၉)ရက်နေ့ ကျမှပဲ
ချစ်သမီးရှာပုံတော်ဖွင့်နိုင်ခဲ့တယ်။

သမီးအလောင်းမြေကျတဲ့အထိ
အစ အဆုံးလုပ်ကိုင်ပေးခဲ့သူ
ဆရာတော်ကြီး ဦးကျော်ရွှေနဲ့တွေ့ဖို့
(၂၀၁၆)ဒီဇင်ဘာ(၁၀)ရက်နေ့မှာ
မန္တလေး" မြို့မနှစ်ခြင်း
ခရစ်ယာန်ကျောင်း"ကို
သွားရတယ်။

ဟိုအရင်ရိုက်ထားခဲ့တဲ့
ဈာပနမှတ်တမ်း
ဓာတ်ပုံလေးတွေထုတ်ပြ၊
အကျိုးအကြောင်းရှင်းပြပြီး
ဖခင်တစ်ယောက်အနေနဲ့ 
သမီးအတွက် အကြွေးတင်နေသလို
ခံစားနေရတာကြောင့်
သမီးရဲ့မြေပုံတွေ့ရင် အုတ်ဂူလုပ်ပေးချင်ကြောင်းပြောပြတယ်။

သူတို့က အံ့သြသွားကြတယ်လေ။
ဂူလည်းသွင်းမထား၊
အချိန်က(၁၈)နှစ်ခွဲကြာမြင့်နေပြီမို့
စိုက်ထားခဲ့တဲ့ လက်ဝါးကပ်တိုင် အမှတ်အသားလည်း
ရှိမှာမဟုတ်သလို၊
ပြီးခဲ့တဲ့နှစ်တွေအတွင်း
သုဿ န်အောက်ပိုင်းကို
(၃)နှစ်ဆက်တိုက်
ရေဝင်ထားသေးဆိုတော့
တွေ့ချင်မှတွေ့တော့မယ်လို့
ယူဆထားကြတယ်။

ဒါပေသိ
တွေ့ချင်လည်းတွေ့နိုင်သေးတာမို့
မြေမြှုပ်သဂြိုလ်မှတ်တမ်းစာအုပ်ရယ်၊
ဓာတ်ပုံအထောက်အထားတွေရယ်နဲ့ 
ပြန်တိုက်ကြည့်ပြီး ရှာဖွေကြဖို့
လက်ခံခဲ့တယ်။

(၂၀၁၆)ဒီဇင်ဘာ(၁၃)ရက်ကျတော့
ဆရာတော်ရယ်၊
သူ့ရဲ့ သမီး(မြေမြှုပ်တုန်းက ပါခဲ့သူ)နဲ့
သူ့သားမက်ရယ်၊
စာရေးဆရာ မန်းဖိုးအေးအပါအဝင်
ကျွန်တော်တို့ တစ်ဖွဲ့လုံး
ဆရာတော့်ကားနဲ့ပဲ
အေးရိပ်ငြိမ်သုဿ န်၊
မြန်မာနှစ်ခြင်းခရစ်ယာန်သချိုင်းကို
သွားကြတယ်။

စ်ာပနဓာတ္ပုံထဲက
နေရာတွေနဲ့ တိုက်ဆိုင်စစ်ဆေးတာ၊
ရှုထောင်းမျိုးစုံကနေ တိုင်းထွာတာ
အတန်ကြာလုပ်ကြပြီး
အုတ်ဂူနှစ်ခု အကြား
မြေပြန့်ပြန့် ကွက်လပ်တစ်ခုကို
"ဒီနေရာပဲ၊ဒီဟာပဲ"လို့
ဆရာတော်က တပ်အပ်ပြောလိုက်တယ်။

အဲ့ဒီမြေနေရာမှာ လူမမည်သမီးလေး
ခေါင်းချသွာခဲ့ရပါလားဆိုတဲ့
အသိခံစားချက်ကြောင့်
ကျွန်တော်ဝမ်းနည်းပြီးမျက်ရည်ကျမိတယ်
တဆက်တည်းမှာ နာကျည်းစိတ်နဲ့
ခံပြင်းဒေါသထွက်ခဲ့ရတယ်။

"သမီးရေ....ဖေကြီးလာပြီလေ...
သမီးကိုတွေ့ချင်လွန်းလို့
ဖေကြီးလာခဲ့တာပါ၊
ခုမှလာနိုင်တာကို ခွှင့်လွှတ်ပါ"လို့
မျက်ရည်ကျရင်း
တတွတ်တွတ်ပြောနေမိခဲ့တယ်။

အဲ့ဒီနောက်
သချိုင်းတာဝန်ခံနဲ့ထပ်တွေ့ပြီး
သမီးရဲ့လဲလျောင်းရာ နေရာကို
(၂၀၁၆)ဒီဇင်ဘာ(၁၄)ရက်နေ့မှာ
တူးဖော်တဲ့လုပ်ငန်း စတင်ပါတယ်။

သစ်သားတွေက ဆွေးမြေ့နေပြီး
ထိလိုက်တာနဲ့တင် ကြွေကျကုန်တယ်၊
ရွှံ့တွေကပ်လူးနေတဲ့
အရိုးတချို့ထွက်လာတော့
"ဒါ ကလေးအရိုးပဲ၊
တူးရကျိုးနပ်သွားပြီ"လို့
မြေတူးပေးတဲ့လူငယ်က
အားတက်သရော ပြောတယ်။

ကျွန်တော့် ရင်ထဲမှာ ပူပင်လယ်ဝေနေတယ်၊
နာကျင်ကြေကွဲခံစားရတာ
နှလုံးသားနဲ့မဆန့်တော့ပါဘူး။

မြေကြီးနဲ့ရောနေတဲ့ 
ခြေချောင်းရိုးသေးသေးလေးတွေနဲ့
ဘောင်းဘီ သားရေမျော့ကြိုးတစ်ခု
ထွက်လာတယ်၊
ပြီးတော့ အကျီင်္။

အကျီင်္ကိုလှန်တင်လိုက်တဲ့အခါ
အောက်မှာက နံရိုးသေးသေးလေး။

အင်္ကျီကိုတဖြည်းဖြည်းချင်း
ဆွဲခွာလိုက်ရာမှာ
ရွှံ့ပေနေတာက လွဲပြီး
အကျီင်္ လုံးဝ မပျက်ဆီးသေးပါဘူး၊
တကယ်ကို အံ့သြစရာ။
ချက်ချင်းရေဆေးပြီး
လျှော်ဖွပ်လိုက်တဲ့အခါ
အကျီက လုံးဝအကောင်းပါပဲ။

"မြေကြီးအောက် နှစ်အကြာကြီး
ရောက်နေခဲ့တဲ့အကျီင်္ကို
မပျက်မစီး ပြန်တွေ့ဖူးတာ၊
ဒါ ပထမဆုံးပါပဲ"လို့
သချိုင်းတာဝန်ခံက ပြောတယ်။

ဒီအကျီင်္ကို သမီးနောက်ဆုံးဝတ်သွားခဲ့ပါလား
ဆိုတဲ့အသိက ရင်ကို ပူလောင်စေတယ်၊
နှလုံးသည်းပွတ်က
ဆုပ်ချေခံနေရသလိုပါလေ။

သမီးလေးရဲ့ ကိုယ်သင်းနံ့ကို
ဒီအကျီကနေ ရနေတယ်၊
ဒီအကျီင်္လေးကို ကိုင်တွယ်ရင်း
သမီးလေးရဲ့ကိုယ်ငွေ့ကို
ထိတွေ့နေမိရဲ့ ။

နောက်ထပ် တွေ့တာကတော့
ခေါင်းအုံးစွပ်လေးနဲ့
သမီးရဲ့ သွားလေးတွေဖြစ်နေတယ်၊

သွားပိုးစားနေတဲ့သမီးရဲ့ 
သွား နှစ်ချောင်းကို
ကျွန်တော်မမှတ်မိဘဲ ရှိပါ့မလား ?

စက်ရုံကနေ ညနေအလုပ်ဆင်းလို့
ကျွန်တော်ပြန်လာတိုင်း
အိမ်ပေါက်ဝမှာ သမီးက လာကြိုနေရင်း
ထမင်းချိုင့်နဲ့အိတ်တွေကို
ကူသယ်ပေးတတ်တယ်။

"ဖေကြီး၊မီးမီးလေ...ကျောင်းမှာ
ဘဲရီးဂွတ်အမှန်ခြစ်တွေရတယ်"လို့
ပြောပြတယ်၊

ရယ်လိုက်ရင်
သမီးရဲ့ "သွား"တွေက ပိုးစားနေလို့
"ပီကေတွေ၊သကြားလုံးတွေစားရင်
သွားပိုးစားပြီး မလှတော့ဘူး"ဆိုပြီး
ပြောတော့
ပိုးစားနေတဲ့"သွား"ကို
သူ့လက်လေးနဲ့အုပ်ထားခဲ့တယ်လေ။

သြော်...ချစ်သမီးလေး
ဒီပိုးစားနေတဲ့သွားလေးတွေနဲ့
ဖေကြီးကို ပြုံးမပြတော့ဘူးလား
သမီးလေးရယ် ?

ဆွေးမြေ့နေပြီဖြစ်တဲ့ဦးခေါင်းခွံဘေးမှာ
အဝိုင်းကလေးတစ်ခုထပ်တွေ့လို့
သေချာကြည့်လိုက်တော့
အဖမ်းမခံရခင် နှစ်ရက်အလိုကမှ ကျွန်တော် ဝယ်ပေးခဲ့ဖူးတဲ့
"ပါးနီတို့ဖတ်လေး"ဖြစ်နေတယ်။

အဲ့ဒီနေ့တုန်းက သမီးလေးဟာ
သူ့ပါးပြင်ပေါ်မယ် ပါးနီတွေခြယ်ထားပြီး
ဆရာမ လုပ်တမ်း ကစားရင်း
သူ့မောင်လေးကိုစာသင်ပေးနေခဲ့ပုံတွေ
ဒီပါးနီတို့ဖတ်လေးကြောင့်ပဲ
ကျွန်တော်ပြန်အမှတ်ရလာမိတယ်။

ခုလိုမျိုး ဖေကြီးက
လာပြန်ရှာပြီး တူးဖော်မှာသိနေလို့များ
မြေကြီးထဲမှာ (၁၈)နှစ်ခွဲကြာ
စိတ်ရှည်ရှည်နဲ့
စောင့်နေခဲ့တာလား သမီးလေးရယ်။

တွေ့ရသမျှ အရိုးအားလုံးစုစည်းလို့
(၂၀၁၆)ဒီဇင်ဘာ(၁၆)ရက်မှာ
ပြန်လည်ဂူသွင်းမြှုပ်နှံခဲ့ပြီး
အုတ်ဂူကိုတော့
အဖြူရောင်ကြိုက်တဲ့သမီးအတွက်
ကြွေပြားအဖြူရောင်နဲ့
အလှဆင်ပေးခဲ့ပါတယ်။

ခုလိုမျိုး နာကျည်းခါးသည်း၊
ကြေကွဲစရာတွေကို
ရင်ဇကာကျမတတ်၊သည်းအူပြတ်မျှ၊
ခံစားခဲ့ရပေမယ့်လည်း
အလားတူ ဖြစ်ရပ်ဆိုးမျိုး
ဘယ်သူတစ်ဦးတစ်ယောက်ကိုမှ
နောက်ထပ် မခံစားစေချင်တာ
အမှန်ရယ်ပါပဲ။

ကျွန်တော်နဲ့၊ကျွန်တော့်မိသားစုကို
"အစွဲအလမ်း မထားဖို့၊မေ့လိုက်ဖို့၊
ပြီးလိုက်ဖို့"
တရားမပြကြပါနဲ့၊
တရားလာ မချကြပါနဲ့လို့
မေတ္တာရပ်ခံချင်ပါတယ်။

ကျွန်တော့်သမီးလေးရဲ့"သွား"တွေနဲ့
သူ့အကျီင်္လေးကိုပြန်ယူလာရာမှာ
ကျွန်တော့် အိပ်ယာဘေး
ခုထိထားပြီး အိပ်ပါတယ်။

သမီးလေးနဲ့ပတ်သက်တဲ့
အရိပ်အောက်က
ကျွန်တော်လွတ်အောင် မရုန်းနိုင်လို့ပါ။
မေ့ပျောက်ဖို့ မလွယ်ပေမယ့်လည်း
ခွင့်လွှတ်ဖို့ ကြိုးစားပါ့မယ်။

ဒါပေသိ
ခွင့်လွှတ်ဖို့၊ကျေအေးဖို့၊
သင်ပုန်းချေဖို့ဆိုတာက
ကိုယ်ချင်းစာတရားနဲ့
အရင်ဆုံးခံစားတတ်ဖို့လိုတယ်၊
ဒီကမှ နောက်တဆင့် သတိသံဝေဂတရား
ရယူနိုင်ကြမှာမို့လို့ ပါပဲ။

ပြီးတော့ ကျွန်တော်မေးချင်တယ်။
သမိုင်းဆိုတဲ့အရာက
ကာယကံရှင် မိသားစုတစ်ခု
ခွှင့်လွှတ်ရုံနဲ့တင် ပြီးသွားရိုးလား ?

ကျူးလွန်ခဲ့ကြသူတွေ အတွက်တော့
သမိုင်းက သူ့ဘာသာစီရင်၊ဆုံးဖြတ်၊
ဒဏ်ခတ်ပေးသွားလိမ့်မယ်လို့
ဒီလိုပဲ ကျွန်တော်ယုံကြည်မိတယ်။

တကယ်က
အတိတ်ကိစ္စ ပြန်ပြောင်း
လှန်လှောတယ်ဆိုတာ
အနာဂတ်အကြောင်း ပြောနေတာပါပဲ။

တိုင်းပြည်တစ်ခုရဲ့ 
အတိတ်အကြောင်းကိုမှ မသိရင်၊
တိုင်းသူပြည်သားတွေ ကြုံခဲ့ရတဲ့
မနေ့ကပေါင်းများစွာကို
မေ့လျော့ထားရင်၊
အဲ့ဒီ လွန်ခဲ့သောစာမျက်နှာပေါ်က
အကျည်းတန်မှုမျိုး၊အမှားမျိုး
နောက်တခါ အလားတူ မဖြစ်အောင်
ဘယ်လိုမျိုး ဆင်ခြင်ရှောင်ကွင်း နိုင်ပါ့မလဲ ?

နောက်ပြီးတော့
အပြစ်၊အနာအဆာကင်းပြီး
လှပတဲ့မနက်ဖြန်အသစ်တစ်ခုကိုလည်း
ဘယ်ပုံဘယ်နည်း
ထုဆစ်ဖန်တီး နိုင်မှာတဲ့လဲ ?

မျက်ရည်တွေ မခြောက်သေးဘူး။
သွေးတွေ စေးပျစ်နေတုန်း။
အရိုးတွေလည်း မဆွေးမမြေ့ ရှိနေဆဲ။

အဲ့ဒီ ပြည်သူအထောင်အသောင်းရဲ့  ငိုကြွေးရှိုက်ငင်၊နာကျင်ကြေကွဲ၊
သွေးသံရဲရဲ ဘဝတွေကို
ခင်းကျင်းပြသထားတဲ့
ဝင်ကြေး အခမဲ့ဒဏ်ရာပြတိုက်တစ်ခု
တနေ့နေ့ တချိန်ချိန်
ဖွင့်လှစ်ပေးစေချင်ပါတယ်။

မောင်နန်းဝေ(ဗန်းမော်)
(၂၀၁၇ )ဇွန်(၁၁) တနင်္ဂနွေနေ့

(၁)သမီးအလောင်းမြှုပ်ထားတဲ့နေရာ
တူးဖော်ပုံအဆင့်ဆင့်နဲ့အုတ်ဂူပြုလုပ်ပြီးစီးတဲ့ အထိဓာတ်ပုံမှတ်တမ်းထဲက
အချို့ကို ဖော်ပြပေးလိုက်ပါတယ်။

(၂)အိုးဖိုထောင်မှာအတူဖြတ်သန်းခဲ့သူ
ဦးမြင့်မောင်မောင်(ပဲခူး)
ရေးသားပေးပို့တဲ့ စကား၊စာသား၊ဖြစ်စဉ်အကြောင်းအရာများကို
လိုအပ်သလို ပြင်ဆင်၊တည်းဖြတ်၊မွမ်းမံပြီး
ပြန်ရေးထားတာပါ။

Credit to မောင်နန်းဝေ(ဗန်းမော်)

Admin Unknown

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။