ရေတိဂုံစေတီတော် မဟာဇေယျအတုလမာရဇိန် ကြေးသွန်းဘုရားသို့ ယနေ့ သြဂုတ် ၂ ရက် ညနေ ၅ နာရီအချိန်ခန့်တွင် သံဃာနှင့်လူပုဂ္ဂိုလ်အချို့ ရောက်ရှိလာပြီး လက်ရှိအစိုးရအား ကံဆောင်သပိတ်မှောက်သည်။
ဆန္ဒပြသူများက ---
အာဏာရှင်အစိုးရ နှုတ်ထွက်ပေးရေး ဒို့အရေး၊
အမျိုးဘာသာ သာသနာအား နှိမ်ချသည့်အစိုးရ အလိုမရှိ၊
စီမံခန့်ခွဲမှု မကျွမ်းကျင်သူများအား နေရာပေးသည့်အစိုးရ အလိုမရှိ၊
ကတိမတည်သည့် အစိုးရ အလိုမရှိ၊
အာဏာယူပြီး တိုင်းပြည်အကျိုး မကာကွယ်နိုင်သည့် အစိုးရ အလိုမရှိ၊
တိုင်းရင်းသားများအားပစ်ပယ်ပြီး ပြည်ပပညာရှင်းများကို အထင်ကြီးအားကိုးသည့်အစိုးရ အလိုမရှိ၊
ပြည်တွင်းအရေးကို နိုင်ငံတကာအရေးဖြစ်အောင် ပုံကြီးချဲ့ ၍ နိုင်ငံတကာ အကူအညီရယူကာ ပြည်ပနိုင်ငံများမှ မိမိနိုင်ငံအပေါ် သြဇာလွှမ်းမိုးမှုရရှိစေရန် အခြေအနေဖန်တီးနေသည့် ပြည်ပအားကိုးအစိုးရ အလိုမရှိ၊
ဆန္ဒပြသူများက ကြေးသွန်းဘုရားတောင်ဘက်မုခ်ကို ပိတ်၍ ဗီနိုင်းများကိုင်ဆောင်၍ အထက်ပါကြွေးကြော်သံများကို အော်ဟစ်ကြွေးကြော်လျက်ရှိကြောင်းသိရသည်။
ရွှေတိဂုံစေတီအနီးတွင် သြဂုတ် ၁ ရက် ညပိုင်းအချိန်ကတည်းကစ၍ လုံထိန်းကားနှစ်စီး၊ အချုပ်ကားတစီး၊ မီးတန်းကားလေးစီး၊ ရဲအင်အား ၅၀ ဝန်းကျင်ဖြင့် လုံခြုံရေးယူထားသည်။
ရန်ကုန် ဆန္ဒပြမှုနှင့်အချိန်ကိုက် မန္တလေး ချမ်းမြသာစည်မြို့နယ် သာသနာ ၂၅၀၀ ခန်းမရှေ့တွင်လည်း အလားတူကြွေးကြော်သံများဖြင့် သံဃာနှင့်လူပုဂ္ဂိုလ်အချို့ ဆန္ဒပြလျက်ရှိကြောင်း သိရသည်။
ကိုရဲ
0 comments :
Post a Comment