အရွင္ဘုရား ဗုဒၶဘာသာမွာ ေယာက်ၤား မိန္းမ ခြဲျခားဆက္ဆံတာေတြ ရွိေနတယ္ လို႔ ေျပာေနၾကတယ္၊
ဥပမာ - က်ိဳက္ထီးရုိးဘုရား ပစၥယံအတြင္း အမ်ိဳးသမီးမ်ား မ၀င္ရ၊
ေရႊတိဂုံ အထက္ပစၥယံေပၚ အမ်ိဳးသမီးမ်ား တက္ခြင့္မရွိ၊
သိမ္အေဆာက္အဦးထဲ အမ်ိုဳးသမီးမ်ား မ၀င္ရ၊
စသည္စသည္ျဖင့္ ပညတ္ခ်က္မ်ားစြာ ရွိခဲ့ပါသည္၊ ယခုလဲ ရွိေနပါသည္၊ ထုိပညတ္ခ်က္မ်ားကို ေထာက္ေသာအာျဖင့္ အမ်ိဳးသမီးတိုင္း ေယာက်ၤားေတြလို အခြင့္အေရး မရွိခဲ့ဘူးဆုိတာ ထင္ရွားေနပါတယ္ဘုရား၊ အေနာက္ႏိုင္ငံေတြမွာေတာ့ ဘယ္ေနရာမွ ကန္႔သတ္ခ်က္ မထားပါ၊ က်ား မ တန္းတူ အခြင့္အေရး ေပးထားတယ္လို႔ သိရပါတယ္၊ ဒါေၾကာင့္ ဗုဒၶဘာသာမွာ က်ား မ ခြဲျခားမႈကုိ အေလးထားတယ္၊ မမွ်တဘူးလို႔ ထင္ျမင္ပါတယ္ဘုရား ..ဒါကလဲ တပည့္ေတာ္ကုိ အမ်ိဳးသမီး တစ္ေယာက္က ေမးျမန္းလာလို႔ တဆင့္ျပန္လည္ေမးေလွ်ာက္တာပါဘုရား ..
ဗုဒၶဘာသာမွာ က်ား/ မ ခြဲျခားထားတယ္ ဆုိတာ ဘုရားရွင္ပညတ္ခ်က္အေနနဲ႔ ထင္ရွားမရွိပါ၊ ယဥ္ေက်းမႈ အေနနဲ႔ ႏိုင္ငံယဥ္ေက်းမႈ၊ လူမ်ိဳးယဥ္ေက်းမႈ ကြဲျပားသည့္အေလ်ာက္ မျဖစ္သင့္တာ မျဖစ္ေအာင္၊ အကုသိုလ္ အျဖစ္ နည္းပါး ေအာင္၊ တားျမစ္လိုမႈ သက္သက္သာ ရွိနိုင္ပါတယ္၊ ေနာက္တစ္ခ်က္အေနျဖင့္ ႏွစ္ေပါင္းမ်ားစြာ ယုံၾကည္လာၾကေသာ ေရွးရုိးရာ အစြဲအလန္း မ်ားႏွင့္ ေလာကဓာတ္ဆရာတုိ႔၏ အယူအဆမ်ားကလည္း လႊမ္းမိုးလာေသာေၾကာင့္( လႊမ္းမိုးသည္ ဆုိသည္မွာလည္း လူတုိ႔ကယုံၾကည္လက္ခံ ေနေသာေၾကာင့္သာ ) လူတို႔၏စိတ္ကုိ တဖက္ေစာင္းနင္းျဖစ္ေစ သည္ဟု ထင္ပါသည္။
ဘုရားေပၚ မတက္ရျခင္း ျပႆနာ
ဤအေၾကာင္းအရာမ်ားကို စာေရးသူ ထင္ျမင္သည့္ဘက္မွ ေဆြးေႏြးေျဖဆုိပါမည္၊ အမွန္က နားလည္မႈ လြဲေနျခင္း ပင္ျဖစ္သည္၊ ဘုရားရင္ျပင္ေတာ္ေပၚမဟုတ္ပဲ ဘယ္ေနရာမွာ မဆုိ တက္ေရာက္ဖူး ေျမွာ္ခြင့္ ရွိပါသည္၊ သုိ႔ေသာ္လည္း ဘုရားေဂါပကလူႀကီးမ်ားက တက္ခြင့္မရွိဟု ကန္႔သတ္ထားေသာေၾကာင့္သာ မတက္ေရာက္ႏိုင္ၾက ျခင္းျဖစ္သည္။
ေခတ္အေျခအေနအရ သုံးသပ္ရမည္ဆုိလ်င္ အမ်ိဳးသမီးမ်ား လုံခ်ည္မ၀တ္ပဲ စကပ္တိုမ်ား၊ ေဘာင္းဘီတိုမ်ား ၀တ္ဆင္ ကာ ဘုရားရင္ျပင္ေတာ္ေပၚ တက္ေရာက္ျခင္းသည္ သူတပါးတို႔အား စိတ္အေႏွာက္ယွက္ကို ျဖစ္ေစသည္၊ အထူးသျဖင့္ ၀ိသဘာဂ အာရုံျဖစ္ေသာ ေယာက်ၤားသားတို႔၏စိတ္ကုိ ကိေလသာစိတ္အျဖစ္ ထၾကြေစသည္၊ ကုသိုလ္စိတ္ ျဖစ္ရန္ ဘုရားေပၚ လာသူမ်ားအား အကုသိုလ္ ကိေလသာစိတ္ျဖစ္ရန္ ႏိႈးဆြေနသကဲ့သို႔ ျဖစ္ေနေသာေၾကာင့္ တားျမစ္ၾကရ ျခင္း လည္း ျဖစ္ႏိုင္ပါသည္။
ဒီေနရာတြင္ ဥပမာ ေပးရမည္ဆုိလ်င္ ေရာမေရာက္လ်င္ ေရာမလို က်င့္ရမည္ ဆုိသည့္အတုိင္း အိမ္ထဲသို႔ ဖိနပ္စီးကာ ၀င္ခြင့္မရွိ ဟု အိမ္ရွင္မ်ားက သတ္မွတ္ထားလ်င္ မည္သည့္ဧည့္သည္ လာသည္ျဖစ္ေစ ဖိနပ္ခြ်တ္ကာ ၀င္ရသည္။ စိတ္ထဲမွာ ႏွစ္သက္ သည္ျဖစ္ေစ မႏွစ္သက္သည္ျဖစ္ေစ အိမ္ရွင္၏ ဆႏၵအတိုင္း ဖိနပ္ခြ်တ္ေပးရသည္၊ သာမာန္မွ် သာျဖစ္ေသာ ကိုယ္ပိုင္အိမ္၌ပင္ အိမ္စည္းကမ္းအတုိင္း လိုက္နာရသည္ ဆုိလ်င္ ဘုရားေပၚ အမ်ိဳးသမီးမ်ား မတက္ရ ဟူေသာ ဘုရားေဂါပကအဖြဲ႔၏ စည္း ကမ္း ကိုလည္း လိုက္နာရေပမည္၊ မလိုက္နာလိုလ်င္ ဘုရားေပၚ မတက္ရုံသာ ရွိေတာ့သည္။
ျမတ္စြာဘုရားသည္ ဘုရားျဖစ္ၿပီး ကပိလ၀တ္ျပည္သို႔ ပထမဆုံးအႀကိမ္ ၾကြေတာ္မူသည္တြင္ ကပိလ၀တ္ တျပည္လုံး ဘုရားရွင္အား အုံးအုံးကြ်တ္ကြ်တ္ ပူေဇာ္ေနၾကေသာ္လည္း ထိုအထဲတြင္ မိဖုရား ယေသာ္ဓရာ မပါခဲ့ေပ၊
ထုိအခါ ယေသာ္ဓရာ မင္းသမီးကုိ မင္းခ်င္းတုိ႔က ဘုရားရွင္ကုိ ဖူးျမင္ရန္ ေလ်ာက္ထားၾကေသာအခါ ငါ့သံေယာဇဥ္ ၊ ငါ့ေမတၱာ၊ ငါ့ေစတနာကုိ ေမာင္ေတာ္ဘုရား နားလည္လ်င္စက္ေတာ္ရာ တုိက္ခန္းအထိ ၾကြလာလိမ့္မည္၊ ငါကေတာ့ ထြက္ၿပီး မဖူးေမွ်ာ္ေတာ့ၿပီ ဆုိၿပီး ျငင္းဆန္သည့္အေၾကာင္းကို ျမတ္ဘုရား ၾကားေတာ္မူေသာအခါ ေနာက္ပါ သာ၀က ႏွင့္တကြ ယေသာ္ဓရာ တုိက္ခန္းသို႔ ၾကြေတာ္မူသတတ္။
ျမတ္ဘုရားသည္ စက္ေတာ္ရာ တုိက္ခန္းသို႔ မၾကြခင္ ဒီေန႔ ယေသာ္ဓရာ စိတ္ႀကိဳက္ ငုိေၾကြးပါေစ - မည္သူမွ် မတားျမစ္ၾက လင့္ လို႔ ႀကိဳတင္မိန္႔ေတာ္မူၿပီး ၾကြသြားေတာ္မူရာ - ယေသာ္ဓရာ မင္းသမီးသည္ ေရေလွာင္ထားရာ တဖက္ဆည္ကန္ ႀကီးမွ ကန္ေဘာင္က်ိဳးကာ ေရမ်ား ဒလေဟာ စီးဆင္းသကဲ့သို႔ မ်က္ရည္မိုး ၿဖိဳင္ၿဖိဳင္ခ်ကာ အားရပါးရ ငိုေၾကြးသည္ တြင္ ျမတ္ဘုရား၏ ေျဖဖမိုးေတာ္ကုိ မိမိပါးျပင္ျဖင့္ ပြတ္ကာပြတ္ကာ ဆံပင္တို႔ျဖင့္ ပြတ္ကာတုိက္ကာ ရႈိက္ႀကီးတငင္ ငိုေၾကြး တယ္ လို႔ဆုိပါတယ္။
တဆက္တည္းမွာပဲ ယေသာ္ဓရာ၏ ေသာကေ၀ဒနာကို ေျဖေဖ်ာက္ေပးလိုေသာေၾကာင့္ အမ်ိဳးသမီး မ်ား သစၥာႀကီးမားစြာ ခ်စ္ခင္ႏွစ္သက္တတ္ပုံ၊ အနစ္နာခံကာ ပါရမီျဖည့္ဖက္ ပီသစြာ သံေယာဇဥ္ႀကီးပုံတို႔ကို ထင္ရွားျပကာ စႏၵကိႏၷရီ ဇာတ္ေ တာ္ ႀကီးကို ေဟာေတာ္မူခဲ့တယ္။
ဤေနရာတြင္ သက္ရွိထင္ရွား ဘုရားရွင္၏ ေျခေထာက္ေတာ္ကုိ အမ်ိဳးသမီးမ်ား ထိေတြ႔ ပိုင္ခြင့္ရွိတယ္ ဆုိတာကို သက္ေသျပလိုရင္းပါ၊ သက္ရွိဘုရားရွင္ေတာင္ ထိခြင့္းေပးလ်င္ သက္မဲ့ ဓာတ္ေတာ္ေမြေတာ္မ်ား ထားရာ ေစတီ ရင္ျပင္ ေတာ္ စသည္အေပၚသို႔ တက္ခြင့္ မရွိ ဆုိသည္မွာ ေရွးလူႀကီးသူမမ်ား၏ ရုိးရာယဥ္ေက်းမႈအေမြကို ထိမ္းသိမ္းလိုမႈ သက္သက္ သာျဖစ္သည္ဟု မွတ္ထင္ရပါသည္။
ဤသို႔လ်င္ အိမ္တိုင္းမွာ စည္းကမ္းတစ္မ်ိဳးစီ ရွိသကဲ့သို႔ ႏိုင္ငံအလိုက္ လူမ်ိဳးအလိုက္၊ နယ္အလိုက္၊ အမ်ိဳးအႏြယ္ အလိုက္အားျဖင့္စည္းကမ္းသတ္မွတ္ထားတာခ်င္း တူညီႏိုင္မည္ မဟုတ္ေပ၊
အိမ္ထဲ၀င္လ်င္ ဖိနပ္ခြ်တ္ေသာ ျမန္မာတို႔၏ ယဥ္ေက်းမႈသည္ အေနာက္ႏိုင္ငံ မ်ားတြင္ ဖိနပ္စီး၀င္မွ သူတို႔ ယဥ္ေက်းမႈႏွင့္ လိုက္ေလ်ာညီေထြ ျဖစ္၏၊ ျမန္မာ့ယဥ္ေက်းမႈတြင္ ဦးေခါင္းညြတ္ အရုိေသေပးျခင္းသည္ ဂါရ၀ နိ၀ါတျဖစ္ေသာ္လည္း သူတို႔ ဆီမွာ ေခါင္းေမာ့ ရင္ေကာ့ေနမွ စမတ္ၾကသည္ဟူ၏၊ ျမန္မာလူမ်ိဳးတုိ႔တြင္ လက္အုပ္ခ်ီကာ အရုိအေသေပးေလ့ ရွိေသာ္လည္း သူတို႔ဆီတြင္ လက္ကို ေနာက္ပစ္ကာ ခါးမတ္မတ္ေနမွ လူ၀င္ဆံ့ တတ္၏၊ ဤသို႔လ်င္ တစ္မ်ိဳးၿပီးတစ္မ်ိဳး ႏိႈင္းယွဥ္လ်င္ တူညီႏိုင္မည္ မဟုတ္ေပ။
သိမ္အတြင္း ၀င္ခြင့္မရွိ ျပႆနာ
ဤေမးခြန္းတြင္လည္း ေႏွာင္းလူမ်ား နားမလည္ေသာေၾကာင့္၄င္း၊ ၀ိနည္းသိကၡာပုဒ္မ်ားကို ေသေသခ်ာခ်ာ မသိရွိ ၾကေသာေၾကာင့္၄င္း လြဲမွားေသာ အယူအဆအျဖစ္ သတ္မွတ္ေနၾကသည္၊ ျမတ္စြာဘုရားရွင္ ခြင့္ျပဳေတာ္မူသည္ကား ရဟန္းေလာင္းမ်ား ရဟန္းေဘာင္တက္ရန္ သိမ္၀င္ေနစဥ္၊ ကမၼ၀ါ ရြတ္ဖတ္သရဇၥ်ာယ္ ေနစဥ္ သံဃာပရိသတ္ မ်ားအနားသို႔ အမ်ိဳးသမီးမ်ား တုိးကပ္ ၀င္၍မရပါ၊ အမ်ိဳးသမီး ၀င္ေရာက္သြားသည္ႏွင့္ အစဥ္အတုိင္း လုပ္လာခဲ့ေသာ ၀ိနည္းကံမ်ား ပ်က္ျပယ္သြားၿပီး အစက ျပန္လည္ေဆာင္ရြက္ ရြတ္ဖတ္ၾကရသည္။ ထုိ႔ေၾကာင့္ သံဃပရိသတ္ကုိ ညွင္းဆဲ သလို ျဖစ္သြား တတ္သည္။
အနီးဆုံးအတုိင္းအတာအားျဖင့္ သံဃာပရိသတ္ႏွင့္ ( ၂ ေတာင့္ ၁ ထြာ ) အကြာအေ၀းလြတ္ေအာင္ ကပ္၀င္ကာ ထုိင္ၿပီး ၾကည္ညိဳႏိုင္ပါသည္။ လူပရိသတ္မ်ားလဲ ၾကည္ညိဳႏိုင္သလို သံဃာမ်ားလည္း ကံ မပ်က္ပါ၊ ယခုေခတ္အေနအထားအရ ( ၆ ) ေပအကြာေလာက္က ထိုင္လ်င္ ၀ိနည္းလြတ္ႏိုင္ပါသည္။ ဒါကိုပဲ လူအမ်ားက နားမလည္ေသာေၾကာင့္ ေ၀းေ၀းေနၾက၊ သိမ္ထဲ မ၀င္ၾကႏွင့္၊ ကံပ်က္လိမ့္မယ္ စသည္ျဖင့္ စိုးရိမ္လြန္ကာ တားျမစ္ၾကရင္းက စကားစကား ဆုိသည့္အတုိင္း ျပန္႔ကားလာကာ အမ်ိဳးသမီးမ်ား သိမ္ထဲ မ၀င္ရဘူး ဆိုၿပီးမွတ္ထင္ေနၾကေတာ့သည္။
ျမတ္စြာဘုရားသည္ သက္ေတာ္ ထင္ရွားရွိစဥ္ကတည္းက အမ်ိဳးသမီးမ်ားတန္းတူ အခြင့္အေရး ခံစားႏိုင္ဖုိ႔ လမ္းဖြင့္ ေပးထားခဲ့သည္၊ အမ်ိဳးသမီးမ်ား ရဟႏၱာျဖစ္ကာ နိဗၺာန္ေရာက္ႏိုင္ေသာ ေၾကာင့္ မိေထြးေတာ္ ေဂါတမီ၏ ပန္ၾကားခ်က္ အရ ရဟန္းမ်ားနည္းတူ ဘိကၡဳနီသာသနာကုိ ခဲခဲယဥ္းယဥ္း ခြင့္ျပဳခဲ့သည္။
အမ်ိဳးသမီးမ်ားလည္း ထက္ျမတ္၊ ပညာရွိၾကသည္ကုိ အသိအမွတ္ျပဳေသာအားျဖင့္ ရဟန္းမ်ားနည္း တူ ေတာ္ လ်င္ ေတာ္ သည့္ အေလ်ာက္၊ ထူးခြ်န္လ်င္ ထူးခြ်န္သလို ( ၀ါအႀကီးဆုံးအရာတြင္ မဟာပဇာပတိ ေဂါတမီေထရီ၊ တန္ခိုးအရာ ဥပၸလ၀ဏ္ေထရီ၊ ပညာအရာ ေခမာေထရီ၊ စ်ာန္၀င္စားရာတြင္ နႏၵာေထရီ၊ ေခါင္းပါးစြာ က်င့္သူတို႔တြင္ ကိသာေဂါတမီ၊ ဒိဗၺစကၡဳ ( နတ္ မ်က္စိ ကဲ့သို႔ ျမင္စြမ္းႏိုင္သူ တုိ႔တြင္ ) ဗကုလာေထရီ၊ ၀ိနည္းဓိုရ္အရာတြင္ ပဋာစာရီ ေထရီ စသည္ျဖင့္ ) ဧတဒဂ္ဘြဲ႔ထူးေပးကာ ခ်ီးေျမွာက္ေတာ္ မူခဲ့သည္၊
ေနာက္ဆုံးတြင္ လူ၀တ္ေၾကာင္ ဥပါသိကာမ မ်ားကိုပင္ ( ေမတၱာအရာ သာမာ၀တီ၊ ဗဟုႆုတအရာ ဥာဏ္ပညာအရာ တြင္ ခုဇၨဳတၱရာ၊ ဒါနအရာတြင္ ၀ိသာခါ၊ စ်ာန္၀င္စားရာတြင္ ဥတၱရာ နႏၵမာတာ ) စသည္ျဖင့္ ပရိသတ္အလယ္တြင္ ခ်ီးေျမွာက္ ေတာ္မူခဲ့သည္။ ဤသည္တို႔မွာ ခြဲျခားကန္႔သတ္ထားျခင္း မဟုတ္ေၾကာင္း ထင္ရွားေနေပသည္။
အမ်ိဳးသမီးမ်ား တန္းတူအခြင့္အေရး ရရွိျခင္းသည္ ေခတ္ကာလ ၊ ယဥ္ေက်းမႈ၊ ႏိုင္ငံ၊ လူမ်ိဳးတုိ႔နွင့္သာ သက္ဆုိင္ၿပီး ဗုဒၶတရားေ တာ္ မ်ားႏွင့္ ေရာေႏွာကာ မရႈျမင္သင့္ေပ။
အမွန္အားျဖင့္ ႏိုင္ငံအလိုက္၊ လူမ်ိဳးအလိုက္ ကြဲျပားေနျခင္းေၾကာင့္ ခြဲျခာခံ ေနရသည္ဟု ထင္ျမင္ေနေသာ အျမင္မ်ားကို ဘာသာေရးႏွင့္ ေရာေႏွာလိုက္ေသာအခါ က်ား မ ခြဲျခားေလ့ရွိတယ္ ဟူေသာ အယူအဆႀကီး ျဖစ္လာရေတာ့၏၊ ဤမွ် ေလာက္ ဆုိလ်င္ ဗုဒၶဘာသာမွာ အမ်ိဳးသား အမ်ိဳးသမီးခြဲျခားဆက္ဆံျခင္းမရွိ ဟူေသာအျမင္ မ်ားကို လက္ခံ ႏိုင္ၾကမည္ ဟု ေမွ်ာ္ လင့္ မိပါ သည္။
Credit: အရွင္သုနႏၵာလကၤာရ M.A ( ပန္းကမၻာ )
#Unicode Version
အရှင်ဘုရား ဗုဒ္ဓဘာသာမှာ ယောကျၤား မိန်းမ ခွဲခြားဆက်ဆံတာတွေ ရှိနေတယ် လို့ ပြောနေကြတယ်၊
ဥပမာ - ကျိုက်ထီးရိုးဘုရား ပစ္စယံအတွင်း အမျိုးသမီးများ မဝင်ရ၊
ရွှေတိဂုံ အထက်ပစ္စယံပေါ် အမျိုးသမီးများ တက်ခွင့်မရှိ၊
သိမ်အဆောက်အဦးထဲ အမျိုုးသမီးများ မဝင်ရ၊
စသည်စသည်ဖြင့် ပညတ်ချက်များစွာ ရှိခဲ့ပါသည်၊ ယခုလဲ ရှိနေပါသည်၊ ထိုပညတ်ချက်များကို ထောက်သောအာဖြင့် အမျိုးသမီးတိုင်း ယောကျၤားတွေလို အခွင့်အရေး မရှိခဲ့ဘူးဆိုတာ ထင်ရှားနေပါတယ်ဘုရား၊ အနောက်နိုင်ငံတွေမှာတော့ ဘယ်နေရာမှ ကန့်သတ်ချက် မထားပါ၊ ကျား မ တန်းတူ အခွင့်အရေး ပေးထားတယ်လို့ သိရပါတယ်၊ ဒါကြောင့် ဗုဒ္ဓဘာသာမှာ ကျား မ ခွဲခြားမှုကို အလေးထားတယ်၊ မမျှတဘူးလို့ ထင်မြင်ပါတယ်ဘုရား ..ဒါကလဲ တပည့်တော်ကို အမျိုးသမီး တစ်ယောက်က မေးမြန်းလာလို့ တဆင့်ပြန်လည်မေးလျှောက်တာပါဘုရား ..
ဗုဒ္ဓဘာသာမှာ ကျား/ မ ခွဲခြားထားတယ် ဆိုတာ ဘုရားရှင်ပညတ်ချက်အနေနဲ့ ထင်ရှားမရှိပါ၊ ယဉ်ကျေးမှု အနေနဲ့ နိုင်ငံယဉ်ကျေးမှု၊ လူမျိုးယဉ်ကျေးမှု ကွဲပြားသည့်အလျောက် မဖြစ်သင့်တာ မဖြစ်အောင်၊ အကုသိုလ် အဖြစ် နည်းပါး အောင်၊ တားမြစ်လိုမှု သက်သက်သာ ရှိနိုင်ပါတယ်၊ နောက်တစ်ချက်အနေဖြင့် နှစ်ပေါင်းများစွာ ယုံကြည်လာကြသော ရှေးရိုးရာ အစွဲအလန်း များနှင့် လောကဓာတ်ဆရာတို့၏ အယူအဆများကလည်း လွှမ်းမိုးလာသောကြောင့်( လွှမ်းမိုးသည် ဆိုသည်မှာလည်း လူတို့ကယုံကြည်လက်ခံ နေသောကြောင့်သာ ) လူတို့၏စိတ်ကို တဖက်စောင်းနင်းဖြစ်စေ သည်ဟု ထင်ပါသည်။
ဘုရားပေါ် မတက်ရခြင်း ပြဿနာ
ဤအကြောင်းအရာများကို စာရေးသူ ထင်မြင်သည့်ဘက်မှ ဆွေးနွေးဖြေဆိုပါမည်၊ အမှန်က နားလည်မှု လွဲနေခြင်း ပင်ဖြစ်သည်၊ ဘုရားရင်ပြင်တော်ပေါ်မဟုတ်ပဲ ဘယ်နေရာမှာ မဆို တက်ရောက်ဖူး မြှော်ခွင့် ရှိပါသည်၊ သို့သော်လည်း ဘုရားဂေါပကလူကြီးများက တက်ခွင့်မရှိဟု ကန့်သတ်ထားသောကြောင့်သာ မတက်ရောက်နိုင်ကြ ခြင်းဖြစ်သည်။
ခေတ်အခြေအနေအရ သုံးသပ်ရမည်ဆိုလျင် အမျိုးသမီးများ လုံချည်မဝတ်ပဲ စကပ်တိုများ၊ ဘောင်းဘီတိုများ ဝတ်ဆင် ကာ ဘုရားရင်ပြင်တော်ပေါ် တက်ရောက်ခြင်းသည် သူတပါးတို့အား စိတ်အနှောက်ယှက်ကို ဖြစ်စေသည်၊ အထူးသဖြင့် ဝိသဘာဂ အာရုံဖြစ်သော ယောကျၤားသားတို့၏စိတ်ကို ကိလေသာစိတ်အဖြစ် ထကြွစေသည်၊ ကုသိုလ်စိတ် ဖြစ်ရန် ဘုရားပေါ် လာသူများအား အကုသိုလ် ကိလေသာစိတ်ဖြစ်ရန် နှိုးဆွနေသကဲ့သို့ ဖြစ်နေသောကြောင့် တားမြစ်ကြရ ခြင်း လည်း ဖြစ်နိုင်ပါသည်။
ဒီနေရာတွင် ဥပမာ ပေးရမည်ဆိုလျင် ရောမရောက်လျင် ရောမလို ကျင့်ရမည် ဆိုသည့်အတိုင်း အိမ်ထဲသို့ ဖိနပ်စီးကာ ဝင်ခွင့်မရှိ ဟု အိမ်ရှင်များက သတ်မှတ်ထားလျင် မည်သည့်ဧည့်သည် လာသည်ဖြစ်စေ ဖိနပ်ချွတ်ကာ ဝင်ရသည်။ စိတ်ထဲမှာ နှစ်သက် သည်ဖြစ်စေ မနှစ်သက်သည်ဖြစ်စေ အိမ်ရှင်၏ ဆန္ဒအတိုင်း ဖိနပ်ချွတ်ပေးရသည်၊ သာမာန်မျှ သာဖြစ်သော ကိုယ်ပိုင်အိမ်၌ပင် အိမ်စည်းကမ်းအတိုင်း လိုက်နာရသည် ဆိုလျင် ဘုရားပေါ် အမျိုးသမီးများ မတက်ရ ဟူသော ဘုရားဂေါပကအဖွဲ့၏ စည်း ကမ်း ကိုလည်း လိုက်နာရပေမည်၊ မလိုက်နာလိုလျင် ဘုရားပေါ် မတက်ရုံသာ ရှိတော့သည်။
မြတ်စွာဘုရားသည် ဘုရားဖြစ်ပြီး ကပိလဝတ်ပြည်သို့ ပထမဆုံးအကြိမ် ကြွတော်မူသည်တွင် ကပိလဝတ် တပြည်လုံး ဘုရားရှင်အား အုံးအုံးကျွတ်ကျွတ် ပူဇော်နေကြသော်လည်း ထိုအထဲတွင် မိဖုရား ယသော်ဓရာ မပါခဲ့ပေ၊
ထိုအခါ ယသော်ဓရာ မင်းသမီးကို မင်းချင်းတို့က ဘုရားရှင်ကို ဖူးမြင်ရန် လျောက်ထားကြသောအခါ ငါ့သံယောဇဉ် ၊ ငါ့မေတ္တာ၊ ငါ့စေတနာကို မောင်တော်ဘုရား နားလည်လျင်စက်တော်ရာ တိုက်ခန်းအထိ ကြွလာလိမ့်မည်၊ ငါကတော့ ထွက်ပြီး မဖူးမျှော်တော့ပြီ ဆိုပြီး ငြင်းဆန်သည့်အကြောင်းကို မြတ်ဘုရား ကြားတော်မူသောအခါ နောက်ပါ သာဝက နှင့်တကွ ယသော်ဓရာ တိုက်ခန်းသို့ ကြွတော်မူသတတ်။
မြတ်ဘုရားသည် စက်တော်ရာ တိုက်ခန်းသို့ မကြွခင် ဒီနေ့ ယသော်ဓရာ စိတ်ကြိုက် ငိုကြွေးပါစေ - မည်သူမျှ မတားမြစ်ကြ လင့် လို့ ကြိုတင်မိန့်တော်မူပြီး ကြွသွားတော်မူရာ - ယသော်ဓရာ မင်းသမီးသည် ရေလှောင်ထားရာ တဖက်ဆည်ကန် ကြီးမှ ကန်ဘောင်ကျိုးကာ ရေများ ဒလဟော စီးဆင်းသကဲ့သို့ မျက်ရည်မိုး ဖြိုင်ဖြိုင်ချကာ အားရပါးရ ငိုကြွေးသည် တွင် မြတ်ဘုရား၏ ဖြေဖမိုးတော်ကို မိမိပါးပြင်ဖြင့် ပွတ်ကာပွတ်ကာ ဆံပင်တို့ဖြင့် ပွတ်ကာတိုက်ကာ ရှိုက်ကြီးတငင် ငိုကြွေး တယ် လို့ဆိုပါတယ်။
တဆက်တည်းမှာပဲ ယသော်ဓရာ၏ သောကဝေဒနာကို ဖြေဖျောက်ပေးလိုသောကြောင့် အမျိုးသမီး များ သစ္စာကြီးမားစွာ ချစ်ခင်နှစ်သက်တတ်ပုံ၊ အနစ်နာခံကာ ပါရမီဖြည့်ဖက် ပီသစွာ သံယောဇဉ်ကြီးပုံတို့ကို ထင်ရှားပြကာ စန္ဒကိန္နရီ ဇာတ်ေ တာ် ကြီးကို ဟောတော်မူခဲ့တယ်။
ဤနေရာတွင် သက်ရှိထင်ရှား ဘုရားရှင်၏ ခြေထောက်တော်ကို အမျိုးသမီးများ ထိတွေ့ ပိုင်ခွင့်ရှိတယ် ဆိုတာကို သက်သေပြလိုရင်းပါ၊ သက်ရှိဘုရားရှင်တောင် ထိခွင့်းပေးလျင် သက်မဲ့ ဓာတ်တော်မွေတော်များ ထားရာ စေတီ ရင်ပြင် တော် စသည်အပေါ်သို့ တက်ခွင့် မရှိ ဆိုသည်မှာ ရှေးလူကြီးသူမများ၏ ရိုးရာယဉ်ကျေးမှုအမွေကို ထိမ်းသိမ်းလိုမှု သက်သက် သာဖြစ်သည်ဟု မှတ်ထင်ရပါသည်။
ဤသို့လျင် အိမ်တိုင်းမှာ စည်းကမ်းတစ်မျိုးစီ ရှိသကဲ့သို့ နိုင်ငံအလိုက် လူမျိုးအလိုက်၊ နယ်အလိုက်၊ အမျိုးအနွယ် အလိုက်အားဖြင့်စည်းကမ်းသတ်မှတ်ထားတာချင်း တူညီနိုင်မည် မဟုတ်ပေ၊
အိမ်ထဲဝင်လျင် ဖိနပ်ချွတ်သော မြန်မာတို့၏ ယဉ်ကျေးမှုသည် အနောက်နိုင်ငံ များတွင် ဖိနပ်စီးဝင်မှ သူတို့ ယဉ်ကျေးမှုနှင့် လိုက်လျောညီထွေ ဖြစ်၏၊ မြန်မာ့ယဉ်ကျေးမှုတွင် ဦးခေါင်းညွတ် အရိုသေပေးခြင်းသည် ဂါရ၀ နိဝါတဖြစ်သော်လည်း သူတို့ ဆီမှာ ခေါင်းမော့ ရင်ကော့နေမှ စမတ်ကြသည်ဟူ၏၊ မြန်မာလူမျိုးတို့တွင် လက်အုပ်ချီကာ အရိုအသေပေးလေ့ ရှိသော်လည်း သူတို့ဆီတွင် လက်ကို နောက်ပစ်ကာ ခါးမတ်မတ်နေမှ လူဝင်ဆံ့ တတ်၏၊ ဤသို့လျင် တစ်မျိုးပြီးတစ်မျိုး နှိုင်းယှဉ်လျင် တူညီနိုင်မည် မဟုတ်ပေ။
သိမ်အတွင်း ဝင်ခွင့်မရှိ ပြဿနာ
ဤမေးခွန်းတွင်လည်း နှောင်းလူများ နားမလည်သောကြောင့်၎င်း၊ ဝိနည်းသိက္ခာပုဒ်များကို သေသေချာချာ မသိရှိ ကြသောကြောင့်၎င်း လွဲမှားသော အယူအဆအဖြစ် သတ်မှတ်နေကြသည်၊ မြတ်စွာဘုရားရှင် ခွင့်ပြုတော်မူသည်ကား ရဟန်းလောင်းများ ရဟန်းဘောင်တက်ရန် သိမ်ဝင်နေစဉ်၊ ကမ္မဝါ ရွတ်ဖတ်သရဇ္ဈာယ် နေစဉ် သံဃာပရိသတ် များအနားသို့ အမျိုးသမီးများ တိုးကပ် ဝင်၍မရပါ၊ အမျိုးသမီး ဝင်ရောက်သွားသည်နှင့် အစဉ်အတိုင်း လုပ်လာခဲ့သော ဝိနည်းကံများ ပျက်ပြယ်သွားပြီး အစက ပြန်လည်ဆောင်ရွက် ရွတ်ဖတ်ကြရသည်။ ထို့ကြောင့် သံဃပရိသတ်ကို ညှင်းဆဲ သလို ဖြစ်သွား တတ်သည်။
အနီးဆုံးအတိုင်းအတာအားဖြင့် သံဃာပရိသတ်နှင့် ( ၂ တောင့် ၁ ထွာ ) အကွာအဝေးလွတ်အောင် ကပ်ဝင်ကာ ထိုင်ပြီး ကြည်ညိုနိုင်ပါသည်။ လူပရိသတ်များလဲ ကြည်ညိုနိုင်သလို သံဃာများလည်း ကံ မပျက်ပါ၊ ယခုခေတ်အနေအထားအရ ( ၆ ) ပေအကွာလောက်က ထိုင်လျင် ဝိနည်းလွတ်နိုင်ပါသည်။ ဒါကိုပဲ လူအများက နားမလည်သောကြောင့် ဝေးဝေးနေကြ၊ သိမ်ထဲ မဝင်ကြနှင့်၊ ကံပျက်လိမ့်မယ် စသည်ဖြင့် စိုးရိမ်လွန်ကာ တားမြစ်ကြရင်းက စကားစကား ဆိုသည့်အတိုင်း ပြန့်ကားလာကာ အမျိုးသမီးများ သိမ်ထဲ မဝင်ရဘူး ဆိုပြီးမှတ်ထင်နေကြတော့သည်။
မြတ်စွာဘုရားသည် သက်တော် ထင်ရှားရှိစဉ်ကတည်းက အမျိုးသမီးများတန်းတူ အခွင့်အရေး ခံစားနိုင်ဖို့ လမ်းဖွင့် ပေးထားခဲ့သည်၊ အမျိုးသမီးများ ရဟန္တာဖြစ်ကာ နိဗ္ဗာန်ရောက်နိုင်သော ကြောင့် မိထွေးတော် ဂေါတမီ၏ ပန်ကြားချက် အရ ရဟန်းများနည်းတူ ဘိက္ခုနီသာသနာကို ခဲခဲယဉ်းယဉ်း ခွင့်ပြုခဲ့သည်။
အမျိုးသမီးများလည်း ထက်မြတ်၊ ပညာရှိကြသည်ကို အသိအမှတ်ပြုသောအားဖြင့် ရဟန်းများနည်း တူ တော် လျင် တော် သည့် အလျောက်၊ ထူးချွန်လျင် ထူးချွန်သလို ( ဝါအကြီးဆုံးအရာတွင် မဟာပဇာပတိ ဂေါတမီထေရီ၊ တန်ခိုးအရာ ဥပ္ပလဝဏ်ထေရီ၊ ပညာအရာ ခေမာထေရီ၊ ဈာန်ဝင်စားရာတွင် နန္ဒာထေရီ၊ ခေါင်းပါးစွာ ကျင့်သူတို့တွင် ကိသာဂေါတမီ၊ ဒိဗ္ဗစက္ခု ( နတ် မျက်စိ ကဲ့သို့ မြင်စွမ်းနိုင်သူ တို့တွင် ) ဗကုလာထေရီ၊ ဝိနည်းဓိုရ်အရာတွင် ပဋာစာရီ ထေရီ စသည်ဖြင့် ) ဧတဒဂ်ဘွဲ့ထူးပေးကာ ချီးမြှောက်တော် မူခဲ့သည်၊
နောက်ဆုံးတွင် လူဝတ်ကြောင် ဥပါသိကာမ များကိုပင် ( မေတ္တာအရာ သာမာဝတီ၊ ဗဟုဿုတအရာ ဉာဏ်ပညာအရာ တွင် ခုဇ္ဇုတ္တရာ၊ ဒါနအရာတွင် ဝိသာခါ၊ ဈာန်ဝင်စားရာတွင် ဥတ္တရာ နန္ဒမာတာ ) စသည်ဖြင့် ပရိသတ်အလယ်တွင် ချီးမြှောက် တော်မူခဲ့သည်။ ဤသည်တို့မှာ ခွဲခြားကန့်သတ်ထားခြင်း မဟုတ်ကြောင်း ထင်ရှားနေပေသည်။
အမျိုးသမီးများ တန်းတူအခွင့်အရေး ရရှိခြင်းသည် ခေတ်ကာလ ၊ ယဉ်ကျေးမှု၊ နိုင်ငံ၊ လူမျိုးတို့နှင့်သာ သက်ဆိုင်ပြီး ဗုဒ္ဓတရားေ တာ် များနှင့် ရောနှောကာ မရှုမြင်သင့်ပေ။
အမှန်အားဖြင့် နိုင်ငံအလိုက်၊ လူမျိုးအလိုက် ကွဲပြားနေခြင်းကြောင့် ခွဲခြာခံ နေရသည်ဟု ထင်မြင်နေသော အမြင်များကို ဘာသာရေးနှင့် ရောနှောလိုက်သောအခါ ကျား မ ခွဲခြားလေ့ရှိတယ် ဟူသော အယူအဆကြီး ဖြစ်လာရတော့၏၊ ဤမျှ လောက် ဆိုလျင် ဗုဒ္ဓဘာသာမှာ အမျိုးသား အမျိုးသမီးခွဲခြားဆက်ဆံခြင်းမရှိ ဟူသောအမြင် များကို လက်ခံ နိုင်ကြမည် ဟု မျှော် လင့် မိပါ သည်။
Credit: အရှင်သုနန္ဒာလင်္ကာရ M.A ( ပန်းကမ္ဘာ )
0 comments :
Post a Comment