‘‘မထင်မှတ်ထားဘူး။ အရမ်း ဝမ်းနည်းမိတယ်။ အဲဒီဟာကြီးကိုလက်မခံချင်ဘူး’’ဟု လက်ရှိအချိန်၌ အသက်(၁၇)နှစ်အရွယ်သို့ ရောက်ရှိနေပြီး ပရဟိတအဖွဲ့တစ် ခုတွင် စေတနာ့ဝန်ထမ်းတစ်ဦး ဖြစ်သော အိတ်ခ်ျအိုင်ဗီရောဂါဝေ ဒနာရှင် မကြာဖြူက ဆိုသည်။
အသားညိုညို၊ အရပ်(၅)ပေ ခန့်ရှိကာ နက်မှောင်သောဆံပင် နှင့် သွယ်လျသောခန္ဓာကိုယ်ပိုင် ဆိုင်ထားသည့် သူ့ကို ရုတ်တရက် ကြည့်လိုက်မည်ဆိုပါက အိတ်ခ်ျအိုင်ဗီရောဂါပိုးရှိသူဟုပင် ထင်မှတ်စရာမရှိပေ။
ဖခင်ဖြစ်သူမှ မိခင်ဆီသို့ အိတ်ခ်ျအိုင်ဗီရောဂါကူးစက်ခံရ ပြီးနောက် မိဘ၏ရောဂါအမွေ ဆိုးကို သူလက်ခံရရှိခဲ့သည်။ ကံ ဆိုးမှုတွေက ဆက်တိုက်ဆိုသလို သူတို့မိသားစုဆီသို့ ရောက်ရှိ လာခဲ့သည်။ ၎င်းမှာ ဖခင်က သူတို့ကို စွန့်ပစ်ထားခဲ့ပြီး မိခင်က ထိုအချိန်မှစ၍ ရောဂါကြောင့် တရှောင်ရှောင်ဖြစ်လာခဲ့သည်ဟု သူက ဆိုသည်။
‘‘ရွာမှာဆိုတော့ ဒီလိုဆေး တွေ သောက်ရမှန်းလဲ မသိဘူး။ ဆေးမြီးတိုတွေနဲ့ ကုတယ်။ ကုလို့ မနိုင်မှ မင်္ဂလာဒုံဆေးရုံကို ပြတဲ့ အခါကျတော့ အမေ့ရောဂါအခြေ အနေက တော်တော်ဆိုးနေပြီ။ အဲဒီအချိန်မှာ ပတ်ဝန်းကျင်က လည်း ဒီရောဂါဖြစ်မှန်းသိသွားပြီး အဆက်အဆံမလုပ်ကြတော့ဘူး’’ ဟု သူ၏အတိတ်က ဖြစ်ရပ်ဆိုးကို နာကျင်ဟန်ဖြင့် ဆိုသည်။
မိခင်ဖြစ်သူတွင် ယင်း အိတ်ခ်ျအိုင်ဗီရောဂါခံစားနေရ သည်ဟု သိရှိချိန်၌ သူတို့မောင် နှမနှစ်ဦးအား သွေးစစ်ဆေးခဲ့ရာ သူ့တွင်သာ ထိုရောဂါပိုးရှိနေခဲ့ပြီး သူ၏ မောင်လေးမှာ ရောဂါကူး စက်ခံထားရခြင်းမရှိပေ။ ယင်း ရောဂါဖြင့် မိခင်သေဆုံးသွားပြီး နောက် သူ၏မောင်လေးကို အဒေါ်ဖြစ်သူက မွေးစားလိုက်ပြီး သူ့ကိုမူ အိတ်ခ်ျအိုင်ဗီရောဂါ ခံစားနေရ သည့် ကလေးများအတွက် ဖွင့်လှစ်ထားသော သုခရိပ်မြုံဂေဟာ သို့ ခိုလှုံရန် သူရောက်ရှိခဲ့သည်။
မကြာဖြူကဲ့သို့ပင် မိဘများ ထံမှ ရောဂါအမွေဆိုးကို လက်ခံ ရရှိထားသူ ဆယ်ကျော်သက်အ ရွယ်ဝေဒနာရှင်များကလည်း ဒုနဲ့ ဒေးပင်ရှိနေသည်။ မြန်မာနိုင်ငံ တွင် အိတ်ခ်ျအိုင်ဗီကူးစက်ခံရသူ နှစ်သိန်းတစ်သောင်းကျော်ရှိ သည့်အနက် ကြာဖြူကဲ့သို့ မိဘများထံမှ ကူးစက်ခံရသော ကလေးငယ်ပေါင်းလည်း များစွာ ရှိပါသည်။ ဖခင်ဖြစ်သူထံမှ မိခင်ဖြစ်သူသို့ ကူးစက်ကာ ထိုမှတစ်ဆင့် ၎င်းထံသို့ ကူးစက်ခံရပြီး ယခုအချိန်တွင် ရောဂါကြောင့် ကျောင်းပင်ရပ်နားထားရသည်ဟု အသက်(၁၅)နှစ်ကျော်အရွယ်ရှိ ကိုးတန်းကျောင်းသား မောင်မင်း မင်းက ဝမ်းနည်းဟန်ဖြင့်ဆိုသည်။
‘‘ရွယ်တူသူငယ်ချင်းတွေ ကျောင်းတက်တာမြင်ရင် တက် ချင်တယ်။ သားကရဲဖြစ်ချင်တာ။ ရဲယူနီဖောင်းကို အရမ်းသဘော ကျတာ။ အခုတော့ နေမကောင်း လို့ ကျောင်းတောင်ထွက်လိုက်ရ တယ်’’ဟု ၎င်းက မျက်ရည်ဝဲရင်း ဆိုသည်။
ကလေးဘဝမှစတင်ပြီး ဘဝ တစ်သက်တာလုံး အိတ်ခ်ျအိုင်ဗီ ရောဂါဆိုးကြီးနှင့်အတူ ရှင်သန် ကြီးပြင်းကြရသော ဆယ်ကျော် သက်အရွယ် အိတ်ခ်ျအိုင်ဗီဝေဒ နာရှင်များသည် ပညာရေး၊ ကျန်း မာရေး၊ လူမှုရေးတို့အပြင် စိတ် ပိုင်းဆိုင်ရာနှင့်အလုပ်အကိုင်အ ခွင့်အလမ်းဆုံးရှုံးမှုများမှာ အခြား သာမန်သက်တူရွယ်တူများထက် ပိုမိုထိခိုက်ခံစားနေရပေသည်။
‘‘သူတို့ရည်မှန်းထားတဲ့ တက္ကသိုလ်တွေရှိတယ်။ ဆေးစစ် ခိုင်းတဲ့အခါကျတော့ သူတို့တွေ အခွင့်အရေးဆုံးရှုံးတယ်။ နောက် တစ်ခါ အလုပ်အကိုင်ကျပြန် တော့လည်း တချို့အလုပ်တွေက ဆေးစစ်ရတယ်။ သူတို့မျှော်လင့် ထားတဲ့ ဝါသနာပါတဲ့အလုပ်အ ချို့ကို လက်လွှတ်ဆုံးရှုံးရပြန် တယ်’’ဟု အိတ်ခ်ျအိုင်ဗီရောဂါရှင် များ၏လူမှုရေးရာကိစ္စများတွင် ပါဝင်ကူညီသူ ဦးဇာနည်အောင် က ဆိုသည်။
အိတ်ခ်ျအိုင်ဗီကြောင့် ထိ ခိုက်ခံစားရသော ကလေးများ၏ လူမှုရေးနှင့် အာဟာရဆိုင်ရာ ကျန်းမာရေးအခြေအနေများ သည် ၎င်းတို့၏အိမ်နီးချင်းကလေး ငယ်များနှင့် နှိုင်းယှဉ်ပါက လွန်စွာနိမ့်ကျလျက်ရှိနေကြောင်း ကျန်း မာရေးဝန်ကြီးဌာန သုတေသန စာတမ်းများ၌ ဖော်ပြထားသည်။
ယင်းသုတေသနမှာ ဆေးသု သတေသနဦးစီးဌာန(အောက် မြန်မာပြည်)၊ အမျိုးသားခုခံကျ/ကာလသားရောဂါတိုက်ဖျက်ရေး စီမံချက်က အသက်(၁၈)နှစ် အောက်ဖြစ်ပြီး မိဘတစ်ဦး(သို့ မဟုတ်)နှစ်ဦးလုံး ဆုံးပါးသွားသူ ကလေးငယ်များ၊ မိဘ၊ အုပ်ထိန်းသူရှိသူ ၁,၁၅၀ ဦးနှင့် အိမ်နီးချင်း ကလေးများ၊ မိဘအုပ်ထိန်းသူ ပေါင်း ၁,၁၅၀ ဦးတို့ကို နှိုင်းယှဉ် လေ့လာခဲ့ခြင်းဖြစ်သည်။
အိမ်နီးချင်းကလေးများနှင့် နှိုင်းယှဉ်လျှင် လူမှုရေးအရ မူလ နေထိုင်ရာ အိမ်မှ ပြောင်းရွှေ့ရ ခြင်း ၂၄ ဒသမ ၃ ရာခိုင်နှုန်းနှင့် ၉ ဒသမ ၄ ရာခိုင်နှုန်း၊ မိသားစု တကွဲတပြားဖြစ်ရခြင်း ၁၁ ဒသမ ၅ ရာခိုင်နှုန်းနှင့် ၄ ဒသမ ၁ ရာ ခိုင်နှုန်း၊ အိမ်ထောင်စုစာရင်း တွင် ပါဝင်ခြင်းမှာ ၆၈ ရာခိုင်နှုန်း နှင့် ၇၇ ဒသမ ၅ ရာခိုင်နှုန်း စ သည့်လူမှုရေးထိခိုက်မှုများနှင့် အာဟာရအရ အသက်(၅)နှစ် အောက် ကလေးငယ်များတွင် လည်း ကိုယ်အလေးချိန်လျော့ နည်းခြင်း ၃၆ ရာခိုင်နှုန်းနှင့် ၁၀ ဒသမ ၉ ရာခိုင်နှုန်းနှင့် အရပ်ပု လွန်းခြင်း ၃၉ ရာခိုင်နှုန်းနှင့် ၁၃ ရာခိုင်နှုန်းနှင့် ပိန်လှီခြင်း ၁၈ ဒသမ ၂ ရာခိုင်နှုန်းနှင့် ၅ ဒသမ ၈ ရာခိုင်နှုန်းတို့ကို လေ့လာတွေ့ ရှိရကြောင်း သုတေသနစာတမ်း၌ ဖော်ပြထားသည်။
ကမ္ဘာပေါ်တွင် အိတ်ခ်ျအိုင် ဗီရောဂါကြောင့် မိဘတစ်ဦးဦး သေဆုံးရသော ကလေးသူငယ် ပေါင်းမှာ တစ်ကမ္ဘာလုံးတွင် ၁၄ သန်းကျော်ရှိပြီး ၂၀၁၀ ၌ ခုခံအား ကျဆင်းမှု ကူးစက်ရောဂါပိုး ကြောင့် မိဘမဲ့ဖြစ်ရသူ ကလေးသူ ငယ်ပေါင်းမှာ ၂၅ သန်းခန့်ရှိနိုင် ကြောင်း ကမ္ဘာ့ကျန်းမာရေးအဖွဲ့ (WHO) က ခန့်မှန်းထားသည်။ မြန်မာနိုင်ငံတွင် ၂၀၁၄ က အိတ်ခ်ျ အိုင်ဗီကူး စက်ခံရမှုနှုန်းမှာ ၀ ဒသမ ၅၄ ရာခိုင်နှုန်းရှိကာ အသက်(၁၅)နှစ်အထက် အိတ်ခ်ျအိုင်ဗီကူး စက်ခံရနှုန်း နှစ်သိန်းခန့်ရှိနေ ကြောင်း ကျန်းမာရေးနှင့်အားက စားဝန်ကြီးဌာနက သတင်းထုတ် ပြန်ထားသည်။
အိတ်ခ်ျအိုင်ဗီဝေဒနာရှင် များကို ကူညီစောင့်ရှောက်မှုပေး နေသည့် နယ်စည်းမထား ဆရာ ဝန်များအဖွဲ့၏ ၂၀၁၆ စက်တင် ဘာကိန်းဂဏန်းများအရ ရန်ကုန်၊ ရှမ်း၊ ကချင်နှင့် တနင်္သာရီဒေသ များရှိ ၎င်းတို့၏ စီမံကိန်းနေရာ များ၌ အေအာတီဆေးဖြင့် လူနာ ၃၄,၈၇၇ ဦးအား ကုသပေးနေ သည်။ ၎င်းတို့အနက် ၁,၈၀၇ ဦး မှာ အသက်(၁၀)နှစ်မှ (၁၉)နှစ် ကြားအရွယ်များဖြစ်ပြီး ယင်းအ ရေအတွက်မှာ လူနာစုစုပေါင်း၏ ၅ ရာခိုင်နှုန်းခန့်ရှိသည်။
ဆယ်ကျော်သက်အရွယ်လူ ငယ်များသည် ရောဂါဒဏ်ခံစား နေရသော အဓိကအုပ်စုတစ်ခု ဖြစ်သော်လည်း ၎င်းတို့သည် ပတ် ဝန်းကျင်၏ထောက်ပံ့ကူညီမှုမရရှိ ဘဲ လျစ်လျူရှုခြင်းဒဏ်ကို ခံစား နေကြရဆဲဖြစ်သည်။ ၎င်းတို့အ တွက် ပုံမှန်အတိုင်း ဘဝရှင်သန် ဖွံ့ဖြိုးစေရန် အထောက်အကူပေး သည့် ပတ်ဝန်းကျင်ကောင်းတစ်ခု မဖြစ်မနေ လိုအပ်နေပေသည်။
နှစ်စဉ် ဒီဇင်ဘာ ၁ ရက် (ယနေ့)သည် ကမ္ဘာ့ခုခံအားကျ ဆင်းမှုကူးစက်ရောဂါတိုက်ဖျက် ရေးနေ့(World AIDS Day)ဖြစ် သည်။ ယင်းနေ့တွင် နိုင်ငံအသီး သီးအလိုက် အခမ်းအနားများစွာ ပြုလုပ်လေ့ရှိပြီး ရည်မှန်းချက် ဆောင်ပုဒ်ပါအတိုင်း အစိုးရနှင့် သက်ဆိုင်ရာအဖွဲ့အစည်းအသီး သီးက ဆောင်ရွက်လေ့ရှိကြ သည်။ ယခုနှစ်တွင် အိတ်ခ်ျအိုင်ဗီကူးစက်ခံထားရသည့် ဆယ်ကျော်သက်အရွယ်များ၏အထူး လိုအပ်ချက်များကို သတိပြုမိကာ ကူညီပံ့ပိုးမှုပေးလာရေးအတွက် မျှော်လင့်ရပေသည်။
‘‘ရောဂါရှိတဲ့ ဆယ်ကျော် သက်အရွယ်ကလေးတွေကို မခွဲခြားတဲ့ ပတ်ဝန်းကျင်ဖြစ်ဖို့ လို တယ်။ တစ်ယောက်မှာ ရှိတယ်ဆို ရင်တောင် နောက်တစ်ယောက် ကို မကူးဖို့အတွက် တားဆီးနိုင်တဲ့ နည်းလမ်းတွေရှိတယ်။ ဒါကြောင့် ဆရာဝန်တွေနဲ့၊ လုပ်ပေးနေတဲ့ အဖွဲ့တွေနဲ့ ဆွေးနွေးပါ။ တိုင်ပင် ပါ၊ မေးပါ’’ဟု နယ်စည်းမထား ဆရာဝန်အဖွဲ့ (MSF)မှ ဆေးဝါး ဆိုင်ရာတာဝန်ခံဆရာဝန် ဒေါက် တာဉာဏ်လင်းထွန်းက တိုက် တွန်းသည်။
Credit : 7Day Daily
0 comments :
Post a Comment