(စာသားသိပ်ကောင်းလို့ ဖတ်ကြည့်ပါ)
----------
မုဆိုးမတို့ တစ်ခုလပ်တို့ဆိုတာ
ယောက်ျားတွေ တစ်ပွဲတစ်လမ်း အကဲစမ်းရမယ့် ကွက်လပ်ဖြစ်နေတဲ့သူတွေ
မဟုတ်ဘူး။
အားနွဲ့တဲ့မိန်းမသားတန်မဲ့ ဘဝတိုက်ပွဲကို
တစ်ယောက်တည်း ရင်ဆိုင်နေရလို့ စာနာဖေးမပေးရမယ့်သူတွေ။
မုဆိုးမတို့ တစ်ခုလပ်တို့ဆိုတာ
မိန်းမတွေ လွတ်နေလို့ဆိုပြီး
ကိုယ့်ယောက်ျားနဲ့ သဝန်တို သမုတ်ပြီး မိန်းမချင်း သံသယစိတ်နဲ့
အထင်သေးဆက်ဆံရမယ့်သူတွေ
မဟုတ်ဘူး။
ကိုယ့်ထက်အစွမ်းအစရှိလို့
ကိုယ်လိုတောင် ယောက်ျားကို
မှီခိုနေတာမဟုတ်ဘဲ
ဘဝရပ်တည်နေတဲ့ ချီးကျူးရမယ့်သူတွေ။
မုဆိုးမတို့ တစ်ခုလပ်တို့ဆိုတာ
လင်ယောက်ျားအားကိုးမရှိလို့
မြေနိမ့်ရာ လှံစိုက်ခံလူတန်းစားမဟုတ်ဘူး။
ယောက်ျားတိုင်းတောင် မယူနိုင်တဲ့
အိမ်ထောင့်တာဝန်ကို
ရဲရဲကြီး ယူထားနိုင်တဲ့
စိတ်ဓာတ်ကြံ့ခိုင်တဲ့သူတွေ။
မုဆိုးမတို့ တစ်ခုလပ်တို့ဆိုတာ
အပျံသင်ခါစ မနူးမနပ် စိမ်းဆတ်ဆတ်
နှလုံးသားပိုင်ရှင် မဟုတ်ဘူး။
သူတို့ဘဝထဲက အရင်းနှီးဆုံးယောက်ျား
ထွက်သွားတုန်းက ရင်ကွဲဖူးတဲ့
နှလုံးသားအတွေ့အကြုံရင့်ကျက်နေတဲ့
စာနာရမယ့်သူတွေ။
မုဆိုးမတို့ တစ်ခုလပ်တို့ဆိုတာ
အစဉ်းစားအဆင်ခြင်မဲ့ နလပိန်းတုန်း လူတန်းစားမဟုတ်ဘူး။
သူတို့ဟာ လူတိုင်းသင်ယူဖူးမှာ မဟုတ်တဲ့
ဘဝကျောင်းသင်ခန်းစာကို
သင်ယူဖူးထားလို့ ဘဝအတွေ့အကြုံရင့်ကျက်နေတဲ့
လေးစားရမယ့်သူတွေ။
ဒါကြောင့်
သူတို့တွေကို
မဖေးမရင်နေပါ မစော်ကားပါနဲ့။
အထင်မကြီးရင်နေပါ မရှုံ့ချပါနဲ့။
မချီးကျူးရင်နေပါ မကဲ့ရဲ့ပါနဲ့။
ဘဝခရီးမှာ သေချာတယ်ဆိုတာ
ဘာတစ်ခုမှ မရှိလို့ပါ။
ချစ်ခင်လေးစားလျက်
Credit to သွန်း
0 comments :
Post a Comment