ဇနီးသည်ကိုပိုချစ်တတ်တဲ့ ခင်ပွန်းကောင်းဖြစ်လာစေမယ့် အလွယ်ဆုံးအချက် (၅) ချက်

အိမ်ထောင်တစ်ခု ထူထောင်ဖို့ဆိုတာ အချစ်တစ်ခုတည်းနဲ့ မပြီးပါဘူး။ ဒါပေမဲ့ အချစ်မရှိလို့လည်း မဖြစ်ပါဘူး။ အချို့တွေကတော့ ဇနီးသည်နဲ့ မိသားစုအပေါ် တာဝန်ကျေဖို့အတွက် အလုပ်ကြိုးစားနေရင်းကပဲ ဇနီးအပေါ် ဂရုမစိုက်မိသလို ဖြစ်တတ်ပါတယ်။ ကိုယ့်ရဲ့ဇနီးသည်အပေါ် သစ္စာစောင့်သိရုံမက ချစ်လည်းချစ်တတ်ကြောင်း ပြသဖို့အတွက် အလွယ်ဆုံးနည်းလေးတွေရှိပါတယ်။
၁။ ပါတီသေးသေး

သူရောကိုယ်ပါ ခင်မင်ရင်းနှီးတဲ့ မိတ်ဆွေတွေကိုခေါ်ပြီး အိမ်မှာပဲ စားပွဲသောက်ပွဲ သေးသေးလေးတစ်ခုလောက် လုပ်ပေးလိုက်ပါ။ သူမမှာလည်း ပင်ပန်းနေရတာတွေရှိတတ်လို့ စကားစမြည်ပြောရင်းနဲ့ ပင်ပန်းမှုတွေ လျော့သွားတာပေါ့။

၂။ ညစာထွက်စား

ဆိုင်ကြီးကြီးဖြစ်စရာမလိုပါဘူး။ ဆိုင်သန့်သန့်လေးမှာ နှစ်ယောက်တည်း အေးအေးဆေးဆေး ညစာထွက်စားဖို့ သူမကိုခေါ်ပါ။

၃။ ဖုန်းထားခဲ့

ညစာအတူစားနေတုန်းမှာ ဖုန်းကိုမကြည့်ပါနဲ့။ အချိန် နာရီဝက်လောက်လေးအတွင်းမှာ ဖုန်းကို silent လုပ်ထားပြီး စကားတွေပြောပေးမယ်ဆို သူမ အရမ်းကြည်နူးသွားပါလိမ့်မယ်။ ကိုယ့်မိန်းမထက် အရေးကြီးတာ ဘာမှမရှိဘူးဆိုတဲ့ ကိုယ့်စိတ်ထားကို ဇနီးကသိသွားပါလိမ့်မယ်။

၎။ တစ်နေ့တာအကြောင်း

ဒီနေ့ ဘာလုပ်စရာရှိသလဲလို့ မေးမယ့်အစား ဒီနေ့ ဘာတွေလုပ်ဖြစ်လဲလို့ မေးကြည့်ပါ။ အလုပ်မှာ ဘာတွေဖြစ်ခဲ့လဲ၊ အထက်လူကြီးနဲ့ အဆင်ပြေရဲ့လားလို့ မေးပေးတာကလည်း သူမကို ဂရုစိုက်တာပါပဲ။ အိမ်မှာပဲနေတဲ့ဇနီးဆိုရင်လည်း သူမရဲ့အိမ်မှုကိစ္စလုပ်ဆောင်မှုတွေကို ကိုယ်က မကူနိုင်ပေမယ့် သူမရဲ့အိမ်ထောင်ရှင်မ၀တ္တရားကျေပွန်မှုကို အသိအမှတ်ပြုရာရောက်တာပေါ့။

၅။ လက်ဆောင်

ကလစ်လေးတစ်ချောင်း၊ ပုဝါလေးတစ်ထည် ဆိုပေမယ့် အဲ့ဒီသေးသေးမွှားမွှားလက်ဆောင်လေးကပဲ သူမကို ခေါင်းထဲအမြဲထည့်ထားတယ်ဆိုတာ ပေါ်လွင်သွားစေပါတယ်။

Duwun

Admin Unknown

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။