ရှုံ့ချတာ၊ မကောင်းပြောတာတွေကို မြင်ရကြားခဲ့ရတာတွေကြောင့် စိတ်ထဲ စွဲနေတာမျိုးဖြစ်ပါတယ်။မပျော်ရင် ဖြတ်လိုက်ပါ့လားလို့ မပြောပါနဲ့။ ဒီလောက်ဒုက္ခပေးနေတာ ဖြတ်လိုက်ပါတော့လားလို့ မပြောပါနဲ့။ ပြောရတာလွယ်ပေမယ့် တကယ်ကြုံနေရသူမှာ မဖြတ်နိုင်တဲ့ အကြောင်းအရင်း များစွာ ရှိနေပါတယ်။ မပျေ်ာပေမယ့် ဆက်တွဲနေရတဲ့အကြောင်းအရင်းများစွာ ရှိပါတယ်။ အဖြစ်များဆုံး အကြောင်းအရင်း တွေကတော့ ဒီအချက်လေးတွေပါ။
၁ – အထီးကျန်လို့
အထီးကျန်တဲ့ ဒဏ်ကို ခံစားဖူးပြီး ဒီလို ထပ်မခံစားချင်လို့ပါ။ တစ်ကိုယ်တည်းဖြစ်နေတာကို မခံနိုင်တာပါ။ တစ်ကိုယ်တည်း အထီးကျန်နေတာထက်စာရင် လက်တွဲလာတာကြာပြီဖြစ်တဲ့လူနဲ့ အတူရှိနေလိုက်တာက ပိုကောင်းမယ်လို့ ထင်လို့ပါ။ အထီးကျန်တယ်ဆိုတာ တစ်ကိုယ်တည်း ဖြစ်နေတာမျိုးတင်မဟုတ်ဘဲ လူတွေအများကြီးကြားထဲမှာ ကိုယ်အထီးကျန်နေတယ်ဆိုတဲ့ခံစားမှုမျိုးဟာ ပိုဆိုးပါတယ်။ ဒါမျိုးတွေကို ကြောက်လို့ပါ။
၂ – မိသားစုနဲ့ပတ်ဝန်းကျင်
မိသားစုနဲ့ ပတ်ဝန်းကျင်ကလည်း နှစ်ဦးသားဆက်ဆံရေးပေါ် သက်ရောက်မှုရှိပါတယ်။ တွဲတာကြာလာပြီဖြစ်သလို မိသားစုနဲ့ ပတ်ဝန်းကျင်က သူ့ကိုတော်တော်လေးရင်းနှီးနေပြီဖြစ်ပါတယ်။ နှစ်ဘက်အပေါင်းအသင်းတွေကို နှစ်ယောက်စလုံးကလည်း သိကျွမ်းခင်မင်နေပါပြီ။ ပြတ်သွားတဲ့အခါ ဒီပတ်ဝန်းကျင်နဲ့ မိသားစုရဲ့ တုံ့ပြန်မှုကို မခံနိုင်တာပါ။ ခံနိုင်တယ်ဆိုရင်တောင်မှ ဖြစ်လာတဲ့ ပြသာနာတွေက ဒီလောက်ထိ ရင်းနှီးနေမှုကို မကျော်ဖြတ်နိုင်သေးတာပါ။
၃ – ရှုံးနိမ့်မှု
လမ်းခွဲရတာကို ရှုံးနိမ့်မှု တစ်ခုလို ခံစားရတာဖြစ်ပါတယ်။ ရှုံးနိမ့်သွားတယ်လို့ ခံစားရရုံတင်မကဘဲ အဆိုပါ ရှုံးနိမ့်မှုအတွက် ရှက်တယ်လို့ ခံစားရတာဖြစ်ပါတယ်။ ဒါဟာ စိတ်ပိုင်းဆိုင်ရာမျိုးနဲ့ ပိုဆက်နွယ်ပါတယ်။ တချို့လူတွေမှာတော့ နှစ်ဦးသားလက်တွဲမှုဟာ အကြောင်းမတိုက်ဆိုင်လို့ ပြီးဆုံးသွားတယ်လို့ပဲ ခံစားကြပါတယ်။ တချို့ကြတော့ ရှုံးနိမ့်ပြီး မာနတွေနဲ့ အတ္တတွေကိုပါ ထိခိုက်တယ်လို့ ထင်တာပါ။ သူနဲ့ပြတ်သွားပြီလို့ ပြောဖို့ကိုတောင် မရဲတာ ဖြစ်ပါတယ်။
၎ – ဆိုးပေမယ့် ကောင်းတာလည်းရှိ
ဒုက္ခတွေပေးတာကြောင့် မပျော်ပါဘူး။ ဒါပေမယ့် ပြန်ကြည့်လိုက်ရင် ပျော်ရတာတွေလည်း ရှိပါတယ်။ စီးပွားရေးလို အမြတ်အရှုံးတွက်တာမျိုး မဟုတ်ပေမယ့် တွက်ကြည့်လိုက်ရင် သိပ်မကွာဘဲ ရှိနေပါသေးတယ်။ အဆိုးတွေများပြီး ကောင်းကွက် ရှာမရသလောက်ဖြစ်နေတာမျိုးလည်း မဟုတ်သေးတာကြောင့်ပါ။
၅ – ငွေရေးကြေးရေး၊ စီးပွားရေး
နှစ်ဦးသားဆက်ဆံရေးမှာ ငွေရေးကြေးရေး ကူညီမှုတွေပါ ရှိနေတာပါ။ ဒါကြောင့် မပျော်ပေမယ့် ခွဲလို့မရသေးတာပါ။ နှစ်ဦးသဘောတူ စီးပွားရေးလုပ်တာမျိုးတွေလည်း ရှိနေနိုင်ပါသေးတယ်။
၆ – သင်ကြားခံရမှု
ကနဦး ဘဝမှာ သင်ကြားခံခဲ့ရတာမျိုးကြောင့် ဖြစ်ပါတယ်။ အထူးသဖြင့် မိသားစု က ဒီလိုအတွေးအခေါ်မျိုး ရှိတတ်ပါတယ်။ ချစ်သူရည်းစားထားတဲ့အခါ ဘယ်လိုအခြေအနေမျိုးမှာမှ လက်တွဲမဖြုတ်ရဘူးဆိုတာမျိုးပါ။ တစ်ယောက်ပြောင်းပြီး တစ်ယောက်ထားတာဟာ လုပ်သင့်တဲ့ ကိစ္စမဟုတ်ဘူးလို့ အလွန်အမင်း သင်ကြားခံရတာမျိုး ဖြစ်ပါတယ်။ မိသားစု အသိုင်းအဝိုင်းထဲမှာ တိုက်ရိုက်သင်ကြားခံရတာမျိုး မဟုတ်ဘဲ ဒီလိုလူမျိုးကို ရှုံ့ချတာ၊ မကောင်းပြောတာတွေကို မြင်ရကြားခဲ့ရတာတွေကြောင့် စိတ်ထဲ စွဲနေတာမျိုးလည်း ဖြစ်နိုင်ပါတယ်။
Source: Elite Daily, Richard B. Joelson
Credit :Duwun
0 comments :
Post a Comment