"ဂီး……… ဂီးး……ဂီး……"
ရွာဘက်ဆီသို့ ငှက်ဆိုးတစ်ကောင်စူးစူးဝါးဝါးအော်မြည်ပြီး ပျံသန်းသွားသည်။
"အင်း…မနက်ဖြန်တော့ ငွေရွှင်ပြီပေါ့…"
သုဘရာဇာကြီး ဘမိုး တီးတိုးရေရွတ်လိုက်သည်။
ရွာထဲမှလူများအသေအပျောက်ရှိမှ ပိုက်ဆံရသည့်အလုပ်မို့ သူ့အတွက်တော့ လူသေလျှင်ပျော်သည်။
အခြားသူများဝမ်းနည်းပူဆွေးကြသော်လည်း သုဘရာဇာကြီးဘမိုးကတော့ အရင်နေ့တွေထက် အရက်ကိုပိုသောက်နိုင်သဖြင့် ပျော်ရသည်။
သေပါစေသေပါစေဟု ထိုင်ဆုတောင်းနေခြင်းမဟုတ်သော်လည်း ရွာဘက်သို့ ငှက်ဆိုးထိုးသံကြားရလျှင်တော့ ဘမိုးအလွန်ပျော်သည်။
လူဆိုတာသေမျိုးချည်းပဲ မဟုတ်ပေဘူးလား…။
* * * * * * * * * *
"ဗျို့ ဘကြီးမိုး…ဘကြီးမိုး"
"ဟေ ဘယ်သူလဲကွ"
"ကျွန်တော် သာမြပါ ဘကြီးမိုး…"
"အော်အေးအေး လူလေး သာမြ လာလေကွာ…"
"ဟုတ်ကဲ့…"
ဘမိုးက သာမြအား တဲရှေ့ရှိကွပ်ပျစ်ပေါ်သို့ ခေါ်လိုက်သည်။
"ခဏလေး လူလေးရေ…ငါအခါးရည်အိုးလေးယူလိုက်အုံးမယ်"
"နေပါစေတော့ ဘကြီးမိုးရယ် ကျွန်တော်မသောက်တော့ပါဘူး…လုပ်စရာလေးတွေကျန်သေးလို့…"
"အော် အေးအေး…"
ဘမိုး တဲပေါ်ကဆင်းလာပြီး ကွပ်ပျစ်ပေါ်တွင်ထိုင်လိုက်သည်။
"ကဲဆိုစမ်းပါဦး…ဘာကိစ္စလဲ…"
"ဘကြီးမိုးဆီလာမှတော့ ဘာကိစ္စရှိရမှာလဲဗျာ နာရေးကိစ္စပဲပေါ့…"
သာမြ၏ မျက်နှာကသိပ်မကောင်းလှ…။
"အေး…ဘယ်သူဆုံးလို့လဲ…"
"မနေ့ညက ကျွန်တော်အမေ ဆုံးသွားလို့ အဲ့ဒါဘကြီးမိုးဆီ အခေါင်းလာအပ်တာ…"
ဘမိုး တွက်ဆထားသည့်အတိုင်း ရွာထဲတွင်နာရေးတစ်ခုပေါ်လာပြီဖြစ်သည်။
"အေး ရတယ်လေ လူလေးရဲ့…အတိုင်းအတာတွေရောယူလာခဲ့ပြီးပြီလား"
"ဟုတ်ကဲ့ ဘကြီးမိုး…"
"ဘယ်လောက်စားထဲကယူချင်လဲ…"
စကားကိုအပိုပြောပဲ တိုတိုပြတ်ပြတ်ပြောတတ်သောကြောင့် လိုရင်းကိုသာမေးလိုက်သည်။
"ကျွန်တော်တို့က ရှိလှတယ်တော့မဟုတ်ဘူးဆိုပေမယ့် ဘကြီးမိုးရယ်…ကျွန်တော့်အမေရဲ့နောက်ဆုံးအချိန်လေးမှာတော့ ကောင်းကောင်းမွန်မွန်လေးဖြစ်စေချင်တယ်…"
"အေးပေါ့ကွာ…ကိုယ့်မိဘပဲလေ…"
"အဲ့တော့ဗျာ…ကောင်းကောင်းလေးသာလုပ်ပေးပါ ဘကြီးမိုးရယ်…"
"စိတ်ချပါလူလေးရယ်…မနက်ဖြန်ကျတော့ လာယူလိုက်ပေါ့ဟုတ်ပြီလား…ဒီနေ့လိုအပ်တာလေးတွေသွားဝယ်ပြီး အကောင်းဆုံးဖြစ်အောင်လုပ်ပေးထားမယ်…"
"ကျေးဇူးတင်ပါတယ် ဘကြီးမိုးရယ်…အခေါင်းခရယ် မြေချဖို့ရယ်အားလုံးအပြီးအစီး ဘယ်လောက်ကျမလဲခဗျ"
"…………………ကျမယ် လူလေး…"
"ဟုတ်ကဲ့ ဒီမှာပိုက်ဆံပါဘကြီးမိုး…ဒါကဘကြီးမိုးအတွက် သက်သက် ကျွန်တော်ကန်တော့တာပါ…"
"အော် အေးအေး…ဘုန်းကြီးပါစေသက်ရှည်ပါစေကွယ်…"
"ဟုတ်ကဲ့ ပေးတဲ့ဆုနဲ့ပြည့်ပါစေ ဘကြီးမိုး…အဲ့ဒါဆိုကျွန်တော်ပြန်လိုက်ဦးမယ် အိမ်မှာလုပ်စရာလေးတွေရှိသေးလို့…"
"အေးအေး…ဖြေးဖြေးသွားဦး"
"ဟုတ်…"
ရွာဘက်ဆီသို့ ထွက်ခွာသွားသော သာမြ၏ ကျောပြင်ကိုငေးရင်း ဘမိုးတွေးမိသည်။
"အင်း…ဒီလိုသိတတ်တဲ့သူမျိုးနဲ့ကျတော့လဲ ငါ့အတွက် ပိုပြီးအဆင်ပြေသွားတာပေါ့…"
ထို့နောက် သာမြပေးခဲ့သောပိုက်ဆံများကို လွယ်အိတ်ထဲထည့်ကာ အရက်ဝယ်ရန်နှင့် အခေါင်းစပ်ဖို့ လိုအပ်သည့်ပစ္စည်းများဝယ်ယူရန် ထွက်လာခဲ့လိုက်တော့သည်။
* * * * * * * * * *
သာမြအမေ၏ ဈာပနက အဆင်ပြေချောမွေ့စွာဖြင့် ပြီးဆုံးသွားခဲ့သည်မှာ နှစ်လခန့်မျှ ကြာမြင့်သွားခဲ့ပြီဖြစ်သည်။
ထိုတစ်ခေါက် နာရေးပြီးထဲက ရွာထဲမှာ နာရေးထပ်မပေါ်တော့ သဖြင့် ဦးဘမိုး အတွက် ဖွတ်တက်သည်ထက်ပင် ဆိုးနေတော့သည်။
အရက်ကို မစို့မပို့သောက်နေရသဖြင့် လူကဒေါသထွက်ချင်သလိုလိုဖြစ်ကာ ဒီရက်ပိုင်းအတွင်း စိတ်နည်းနည်းဆတ်နေသလိုဖြစ်နေသည်။
"တောက်ခ်…ရွာထဲကလူတွေကလည်းသေကိုမသေနိုင်ကြဘူး…ဒီလောက်လူတွေအများကြီးရှိတာ တစ်လတစ်ယောက်လောက်သေတော့ ဘာဖြစ်သွားမှာမို့လိုလဲ…"
တစ်ယောက်ထဲ ဒေါသူပုန်ထနေလေသည်။
"ဂီး……ဂီးးးးး…ဂီးး…"
ရုတ်တရက်ထွက်ပေါ်လာသော ငှက်ဆိုးထိုးသံကြောင့် ဘမိုး သေချာနားစွင့်ကြည့်လိုက်သည်။
"ဟာ…လိမ္မာလိုက်တဲ့ငှက်လေး…"
ရွာဘက်သို့လှည့်ကာ အော်မြည်သွားခြင်းဖြစ်သဖြင့် ဘမိုးပျော်သွားသည်။
အခြားသူများအတွက် ငှက်ဆိုး(ခေါ်)ညဥ့်ငှက်သည် အ,မင်္ဂလာငှက်ဖြစ်သော်လည်း ဦးဘမိုးအတွက်ကတော့ မင်္ဂလာရှိသော ငှက်တစ်ကောင်ပင်ဖြစ်သည်။
"ငါ ပတ်ကြမ်းတိုက်လိုက်တော့မှပဲ မင်းကလဲအော်တော့တယ်နော်…ဘာပဲဖြစ်ဖြစ် မင်းအော်သံလေးကြားလိုက်ရတဲ့အတွက် ဒီညကတော့ ငါ့အတွက် သိပ်ကိုမင်္ဂလာရှိတဲ့နေ့ဖြစ်သွားပြီကွ…ဟား ဟား ဟား ဟား…"
သင်္ချိုင်းမြေအနီးရှိ တဲအိုလေးအတွင်းဆီမှ ဘမိုး၏ ရယ်သံက သန်းခေါင်ယံည၏ တိတ်ဆိတ်မှုကို မင်းမှုသွားလေတော့သည်။
* * * * * * * * * *
"ဦးဘမိုးရှိလားခင်ဗျ…"
"ဟေ ဘယ်သူလဲကွ…ငါနောက်ဖေးမှာ ကျင်းတူးနေတယ် လာခဲ့လေကွာ…"
ခဏလောက်ကြာတော့ ဘမိုးအနီးသို့ လူရွယ်နှစ်ဦး ရောက်လာသည်။သူကြီး၏တပည့်နှစ်ယောက်ဖြစ်သော နီတွတ်နှင့် ဖိုးတေ တို့ဖြစ်ကြသည်။
"ဟာ ဦးဘမိုးက အကြားအမြင်ပါရနေပြီလား…"
"ဘာကိုလဲကွ"
"ကျင်းတူးနေလို့လေ…"
"မဟုတ်ပါဘူးကွာ ဒါငါအပင်စိုက်မလို့တူးနေတာကွ…အသုဘချမယ့်ကျင်းဆို ငါ့အိမ်နောက်ဖေးမှာတူးမလား "
"မသိလို့ပါဦးဘမိုးရယ် ဟဲဟဲ…"
"ကဲ ဆိုစမ်းပါဦး လာရင်းကိစ္စ…"
"မနေ့ညက သူကြီးကတော်ဆုံးသွားလို့ အခေါင်းလာအပ်တာ ဦးဘမိုးရေ…"
"ဟုတ်လား…ဘယ်လိုဖြစ်တာလဲ သူကြီးကတော်ကကျန်းမာရေးအကောင်းကြီးဟာကို…"
"ဟုတ်တယ် ဒါပေမယ့်နှလုံးရောဂါအခံရှိတယ်တဲ့ ညကအိပ်ပျော်နေရင်းနှလုံးရပ်ပြီးဆုံးသွားတယ်လို့ပြောတာပဲ"
"အော်…ကွေးသောလက်မဆန့်မီဆန့်သောလက်မကွေးမီဆိုတာဒါမျိုးတွေပေါ့ကွာ…"
"ဟုတ်တယ်ဦးဘမိုးရေ…အဲ့ဒါအခေါင်းလာအပ်တာ ဒီမှာအတိုင်းယူလာခဲ့ပြီးပြီ …အခေါင်းဖိုးနဲ့မြေချစရိတ်အားလုံးဘယ်လောက်ကျမလဲ"
ဦးဘမိုးတချက်စဉ်းစားလိုက်သည်။ဒါမျိုးအခွင့်အရေးက နှစ်ခါမရ။ရွာထဲမှ ပြည့်စုံသောသူများနာရေးရှိလျှင် အခြားနာရေးများထက်ပိုရသည်။
"……………ကျမယ်ကွာ…"
"ဟာ ဦးဘမိုးကလည်းများလိုက်တာ နည်းနည်းလျှော့ပါဦး"
"ဟိတ်ကောင်တွေ သူကြီးကတော်အသုဘကို မင်းတို့က သူဆင်းရဲအသုဘနဲ့တန်းတူချချင်လို့လား"
"အဲ့လိုတော့မဟုတ်ပါဘူးဗျာ…ဟဲဟဲ …ကျွန်တော်တို့အတွက်အရက်ဖိုးလေးမကျန်တော့လို့ပါ"
"ဘိန်းစားချင်းအတူတူ တလုံးပိုမရှူချင်စမ်းပါနဲ့ကွာ…ငါမင်းတို့ထက်အရင် အရက်သောက်လာတဲ့ကောင်ပါ…မင်းတို့ကို သူကြီးကအရက်ဖိုးသက်သက်ပေးပြီးသားမလား"
"ဗျာ…ဦးဘမိုးကဘယ်လိုသိလဲ…"
"ငါပြောပြီးပြီလေ…မင်းတို့ထက်ငါအရင်အရက်သောက်လာတဲ့ကောင်ပါလို့ ဒါမျိုးတွေလောက်ကတော့ ကြည့်တာနဲ့သိတယ်"
နီတွတ်နှင့်ဖိုးတေတို့မျက်စိမျက်နှာပျက်သွားကြသည်။ထို့နောက်ဦးဘမိုးတောင်းသည့် ငွေကို အောင့်သက်သက်နှင့် ထုတ်ပေးလိုက်ကြသည်။
"အေး…တခြားသူတွေကိုကျောချင်ကျောလို့ရမယ် ဘမိုးကိုတော့လာမကျောနဲ့ မင်းတို့မြဲမြဲမှတ်ထား…"
"ဟုတ်ဟုတ်ကဲ့ပါ ဦးဘမိုး အဲ့ဒါဆို ကျွန်တော်တို့သွားလိုက်ပါဦးမယ်…"
"အေး …"
နီတွတ်နှင့်ဖိုးတေတို့ မကျေမချမ်းဖြစ်ကာ ထွက်သွားသည်ကို ဦးဘမိုး လိုက်မကြည့်နိုင်တော့…တူးလက်စကျင်းအားဆက်တူးနေလိုက်တော့သည်။
* * * * * * * * * *
ဘမိုးတစ်ယောက် ဘုံဆိုင်ကပြန်လာတော့ မိုးအတော်ချုပ်နေပြီဖြစ်သည်။
အူမစိုသည်မှာကြာလှပြီဖြစ်သည့်အတွက် အတိုးချသောက်နေခြင်းကြောင့်ဖြစ်သည်။
အူမစိုသည်မှာကြာလှပြီဖြစ်သည့်အတွက် အတိုးချသောက်နေခြင်းကြောင့်ဖြစ်သည်။
ဒါတောင် နောက်ရက်တွေသောက်ဖို့နှင့် အခေါင်းစပ်ဖို့ ပျဉ်ဝယ်ရန် ချန်ထားရသောကြောင့်သာ ထပြန်လာရသည်။
လူကအတော်လေးမူးနေပြီဖြစ်သော်လည်း နိစ္စဓူဝ သွားနေကြလမ်းဖြစ်သည့်အတွက် အခက်အခဲမရှိ။
လမိုက်ရက်မို့ ညအမှောင်က ခါတိုင်းထက်ပိုနေသည်။
ကြယ်တချို့၏ မှုန်ပျပျအလင်းရောင်ကိုသာအားပြု၍ လျှောက်လှမ်းနေရသည်။
ကြယ်တချို့၏ မှုန်ပျပျအလင်းရောင်ကိုသာအားပြု၍ လျှောက်လှမ်းနေရသည်။
သင်္ချိုင်းထဲသို့ ဝင်ခါနီး ဝါးတပြန်လောက်အရောက်တွင်…
"ဖြောင်း…………"
"အား……"
ဦးခေါင်းအနောက်ဘက်တစ်ခုလုံး ပူခနဲဖြစ်သွားပြီး ထိုနေရာမှာပင်ဘမိုး လဲကျသွားလေတော့သည်။
* * * * * * * * * *
"အား…ကျွတ်ကျွတ်ကျွတ်…"
ဦးခေါင်းက အဆမတန်နာကျင်နေပြီး ခေါင်းတခုလုံးမူးနောက်နေသည်။
"ငါ… ငါဘာဖြစ်သွားတာလဲ…"
ဘမိုးပြန်စဉ်းစားကြည့်သည်။
"ငါ့ခေါင်းပေါ်ကိုသစ်ကိုင်းများပြုတ်ကျလေသလား…"
အပေါ်မော့ကြည့်တော့လဲ ဘာမျှမရှိ ဘေးဘီဝဲယာတွင်လည်း သစ်ပင်တစ်ပင်မှမရှိ ချုံပုတ်များသာရှိသည်။
"ဟင်……"
တစုံတခုကိုသတိရသွားပြီး လွယ်အိတ်ထဲသို့ ကြည့်လိုက်သည်။
"တောက်…လူပါးဝလိုက်တာကွာခွေးမသားတွေ…"
လွယ်အိတ်ထဲတွင်ချန်ထားသော ငွေစက္ကူတို့မှာမရှိတော့ပေ။မနက်ပိုင်းက သူနှင့် အချင်းများခဲ့သော နီတွတ်နှင့် ဖိုးတေတို့ လက်ချက်မှန်း ဘမိုးရိပ်စားမိလိုက်သည်။
သို့သော် သက်သေမရှိ၍ ဘာမျှလုပ်၍မရ။သူကြီးကတော်အတွက် အခေါင်းစပ်ရန်ပျဉ်များလည်းမဝယ်ရသေးသဖြင့် ဘမိုးတော်တော်စိတ်ညစ်သွားသည်။
"ဒုက္ခပဲ မနက်ဖြန်ညနေလောက်ဆို အခေါင်းကလာယူတော့မယ်…ဘယ်ကပိုက်ဆံနဲ့ ပျဉ်ဝယ်ရပါ့မလဲ"
လူဆိုသည့်အမျိုးမှာ ကြံရာမရသည့်အဆုံး ပြုမူရန်မသင့်သည်များကိုပင်တွေးကြံတတ်ကြသည်မှာ ထုံးစံပင်ဖြစ်သည်။
ထို့ကြောင့် ယခုလည်း ဘမိုးတစ်ယောက်
အကြံတခုရသွားသည်။
အကြံတခုရသွားသည်။
"ဟုတ်ပြီ………"
* * * * * * * * * *
"ဗျို့ ဦးဘမိုး…ကျွန်တော်တို့အခေါင်းလာယူတာပါ…"
"အေး ဟိုမှာအဆင်သင့်ပဲယူသွားလိုက်တော့…"
နီတွတ်နှင့်ဖိုးတေတို့ အံ့သြစွာဖြင့် တစ်ယောက်မျက်နှာတစ်ယောက်ကြည့်မိလိုက်ကြသည်။
"ယူသွားတော့လေ ဘာလုပ်နေတာလဲ…"
"ဘာ ဘာမှမလုပ်ပါဘူး …ကျွန်…ကျွန်တော်တို့ယူသွားလိုက်တော့မယ်နော်…"
"အေး ယူသွားကြ…"
ဘမိုးအားနားမလည်နိုင်သောမျက်လုံးများဖြင့်ကြည့်ရင်း အခေါင်းအားသယ်ယူသွားကြလေသည်။
* * * * * * * * * *
စလူးကုန်းရွာ၏ ထုံးစံအတိုင်း အလောင်းကို ၅ရက်ထားရမည်ဖြစ်သည်။ယနေ့မှာ ၂ရက်မြောက်နေ့ညဖြစ်သည်။
သူကြီးအိမ်တွင် အရင်နေ့တွေကထက်ပိုမို၍လူစည်ကားနေ၏။
သူကြီးအိမ်ပေါ်တက်၍ တရားဝင်ဖဲရိုက်ခွင့်ရသည့်အတွက် ကာလသားများလည်း အပျော်ကြီးပျော်နေကြသည်။
ခြံထဲတွင်တော့ သူကြီးကတော်၏ အခေါင်းစင်က ထီးထီးကြီးရှိနေသည်။
ည၁၁နာရီလောက်တွင် လူအချို့ပြန်သွားကြ ပြီး သူကြီးနှင့်သူ၏တပည့်နှစ်ယောက်…ဖဲရိုက်နေသူများနှင့် လူအနည်းငယ်သာကျန်ရစ်လေသည်။
၁၁နာရီ၄၅မိနစ်လောက်တွင် ရွာထိပ်ဆီမှ ခွေးများ၏ ဆွဲဆွဲငင်ငင်အူသံများ ခွေးဟောင်သံများကို ကြားလိုက်ကြရသည်။
"အူ………ဝူး………ဝူ……………ဝုတ်…ဝုတ်…အာဝူးးးးးးးး……ဝူး…ဝူး……"
"ဟဲ့ ငနီတွတ်…"
"ဗျာသူကြီး…"
"ရွာထိပ်မှာခွေးဟောင်သံတွေကြားတယ် ရွာထဲလူစိမ်းတွေများဝင်လေရော့သလား သွားကြည့်ကြစမ်း…"
"ဟုတ်ကဲ့သူကြီး…"
နီတွတ်ကဖိုးတေကိုပါအဖော်ခေါ်သွားသည်။လက်ထဲတွင်လည်း ဝါးရင်းတုတ်တစ်ယောက်တစ်ချောင်းစီကိုင်သွားကြသည်။
ခွေးများက တချက်လေးမှမနားပဲဆက်တိုက်ကို အူလိုက်ဟောင်လိုက်လုပ်နေကြသည်။
ကွမ်းတယာညက်ခန့်ကြာတော့ နီတွတ်ရော ဖိုးတေပါခြံထဲအပြေးအလွှားဝင်လာကြသည်။
"သူကြီးရေ…သရဲဗျို့…သရဲ…သရဲ"
"ဟေ…ဟေ့ရောင်တွေ ဘာဖြစ်လာကြတာလဲ…"
နီတွတ်နှင့်ဖိုးတေတို့်ခြံထဲသို့နှစ်ယောက်သားအတင်းလုယက်တိုးဝှေ့ပြီးပြေးဝင်လာရာမှ ဖိုးတေက သူကြီးကတော်၏ အခေါင်းစင်အားဝင်တိုက်မိလေသည်။
"ဒုန်း……ဝုန်းးး"
ဖိုးတေဝင်တိုက်လိုက်သဖြင့် အခေါင်းစင်ကျိုးကာ အခေါင်းကပြုတ်ကျသွားသည်။
အခေါင်းဖုံးသံမရိုက်ရသေး၍ သူကြီးကတော်၏အလောင်းကပါ အခေါင်းအပြင်သို့ လိမ့်ထွက်လာသည်။
အခေါင်းဖုံးသံမရိုက်ရသေး၍ သူကြီးကတော်၏အလောင်းကပါ အခေါင်းအပြင်သို့ လိမ့်ထွက်လာသည်။
"ဟာ အခေါင်းကြီးပြုတ်ကျသွားပြီ…"
"သူကြီးကတော်သရဲ…သူကြီးကတော်သရဲခြောက်တယ်ဗျ"
"အလောင်းကောင်ကြီး အခေါင်းထဲကထွက်လာတယ်ဗျ…သရဲ…သရဲ"
ဖဲဝိုင်းထဲမှလူများက အကြောင်းစုံမသိပဲ ထင်ရာလျှောက်အော်ကာ ထပြေးကြလေသည်။
"ဟဟ…ဟေ့ကောင်တွေ…ဟေ့ကောင်တွေ"
သူကြီး၏စကားကိုမည်သူမှဂရုမစိုက်ကြတော့ပဲ ခြံပြင်သို့ထွက်ပြေးကြတော့သည်။
ရွာသားများထွက်ပြေးသွားပြီးနောက်
"နီတွတ် ပြောစမ်း မင်းတို့လမ်းမှာဘာတွေ့ခဲ့သလဲ…"
"ဟို…ဟို…ဒီ…ဒီလိုပါသူကြီး…"
နီတွတ်၏ အသံက ကတုန်ကယင်ဖြစ်နေသည်။ချွေးစေးများလည်းထွက်ကာ အတော်ထိတ်လန့်နေပုံရသည်။
"မပြောပါရစေနဲ့လားသူကြီးရယ် ကျွန်တော်…ကျွန်တော်တို့ကြောက်လို့ပါ…"
ဖိုးတေကမျက်နှာငယ်လေးနှင့်ဝင်အသနားခံသည်။
"ဟေ့ကောင်တွေ မင်းတို့ပြောမှ ငါကဘာဖြစ်လဲသိရမှာပေါ့…ပြောစမ်းကွာမြန်မြန်…"
"ဟို……ဟို သာမြ အမေပါသူကြီး…"
"သာမြအမေတွေ့တာများ မင်းပထွေးအောက်မေ့လို့ အဲ့လောက်လန့်ဖြန့်လာရတာလားကွ…"
"အာ…သူကြီးကလဲ သာ…သာမြအမေက ဆုံးသွားတာ ၂လလောက်ရှိပြီလေ…"
ဖိုးတေပြောမှ သူကြီးသတိရသည်။
"ဟေဟုတ်သားပဲ…မင်းတို့မျက်စိမှားတာနေမှာပါကွ…သေရောသေချာရဲ့လား"
"မမှားဘူးသေချာတယ်သူကြီးရဲ့ ကျွန်တော်ရော နီတွတ်ရောမြင်ခဲ့တာ …ငါ့အခေါင်းပြန်ပေး ငါ့အခေါင်းပြန်ပေးဆိုပြီး အသံနက်ကြီးနဲ့အော်ပြီး ရွာထဲဝင်လာတာဗျာ…မနည်းလွတ်အောင်ထွက်ပြေးလာရတယ်"
"ဟေ………"
"အူးး…ဝူးး……ဝူးးး…ဝူးး……………"
သူကြီးခြံနှင့်မလှမ်းမကမ်းဆီမှ ခွေးများ၏ အူသံထွက်ပေါ်လာသည်။
"ဟာ သူ…သူ…သူကြီးရေ…သူရောက်လာပြီထင်တယ် ကျွန်တော်တို့တော့ပြေးပြီဗျာ"
ထိုသို့ပြောပြီး နီတွတ်နှင့်ဖိုးတေတို့အိမ်ပေါ်ပြေးတက်သွားကြသည်။
ခြံထဲတွင်သူကြီးတစ်ယောက်ထဲသာကျန်တော့သည်။
အခေါင်းအပြင်သို့ထွက်ကျလာသော ဇနီးဖြစ်သူ၏ အလောင်းကိုကြည့်လိုက်တော့ သူ့အား ရယ်ပြနေသလိုလို...
ရုတ်တရက်ကြက်သီးမွှေးညှင်းများထသွားသည်။
"ငါ့ အခေါင်းးးးးး…ပြန်………ပေးးး"
"အောင်မလေးးဗျ………"
သာမြအမေက ခြံဝတွင်ရပ်ပြီး စူးရဲသောအကြည့်တို့ဖြင့်သူကြီးအားစိုက်ကြည့်နေသည်။
"ဟဲ့ မလာနဲ့…ဝင်မလာနဲ့ ငါသူကြီးအမိန့် နင်ဝင်မလာရဘူး…"
"ဟားဟား…ဟားဟား…ဘာသူကြီးလဲ ငါနင့်အုပ်ချုပ်မှုအောက်မှာနေနေတာမဟုတ်ဘူး အမေမဖဲဝါပဲငါ့ကိုအမိန့်ပေးလို့ရမယ် ဟားဟားဟားဟားဟား…"
ထိုသို့ပြောပြီ ခြေလှမ်းကျဲကြီးများဖြင့်ဝင်လာသည်။သူကြီးလည်း ပြောမရသည့်အဆုံး ကြောက်အားလန့်အားဖြင့် အိမ်ပေါ်တက်ပြေးလေတော့သည်။
ခေွးများ၏ အူသံနှင့် သာမြအမေတဖြစ်လဲ အလောင်းကောင်တစ္ဆေမ မိဂျမ်း၏ သောင်းကျန်းနေမှုကြောင့် တရွာလုံးမည်သူမျှအပြင်မထွက်ရဲကြတော့…။
မိဂျမ်းက အခေါင်းပေါ်ရှိ သူကြီးကတော်၏အမည်နှင့်အသက်ရေးထားသော စက္ကူများ အခေါင်းတွင်အလှဆင်ဖုံးအုပ်ထားသောစက္ကူများ ကို ဒေါသတကြီးနှင့် ဆွဲဖြဲနေသည်။
ထို့နောက် အခေါင်းထမ်းကာ သင်္ချိုင်း ဘက်သို့ပြန်ထွက်သွားလေသည်။
"ဟားဟား…ဟား…ဟား…ဟား…ဟား"
မိဂျမ်း၏ ရယ်သံအဆုံးတွင် စလူးကုန်းရွာကလေးမှာ ပုံမှန်အတိုင်းပြန်လည်ငြိမ်သက်သွားလေတော့သည်။
သူကြီး၏ ခြံထဲတွင် တုံးလုံးပက်လက်ဖြစ်နေသောသူကြီးကတော်၏ အလောင်းကောင်က တိတ်ဆိတ်နေသော ညကို ပို၍ ခြောက်ခြားစေသည်။
* * * * * * * * * *
"ဂီး……ဂီး……ဂီး……"
"ဟ…ဘယ့်နှယ့် သေချင်းဆိုးငှက်ဆိုးက ငါ့အိမ်ဘက်လှည့်အော်နေတာလဲ …သွားစမ်းကွာ ရှူးရှူး …"
စိတ်ထဲသိပ်မသင်္ကာသဖြင့် ဓါတ်မီးတလက်ကိုယူကာ အိမ်နောက်ဘက်သို့ထွက်လာခဲ့လိုက်သည်။
မနေ့ညက ဘမိုးတစ်ယောက်ကြံရာမရသည့်အဆုံး မြုပ်ထားတာ ၂လခန့်မျှသာကြာသေးသော သာမြအမေ၏ အခေါင်းကို ပြန်ဖော်ခဲ့သည်။
အချိန်မကြာသေးသည့်အတွက် အလောင်းက အရိုးမကျသေးသော်လည်း အပုပ်ရည်ဗရပွဖြင့် အော်ဂလီဆန်ချင်စရာကောင်းလောက်အောင် အနံ့ကထွက်နေသည်။
အချိန်မကြာသေးသည့်အတွက် အလောင်းက အရိုးမကျသေးသော်လည်း အပုပ်ရည်ဗရပွဖြင့် အော်ဂလီဆန်ချင်စရာကောင်းလောက်အောင် အနံ့ကထွက်နေသည်။
သို့သော်လည်း ဒီတနည်းသာရှိတော့သဖြင့် အလောင်းကို ပီနံအိတ်ထဲသို့ပြောင်းထည့်ပြီး အိမ်နောက်ဘက်တွင် အပင်စိုက်ရန်အသင့်တူးထားသော ကျင်းထဲသို့ ထည့်မြုပ်ထားလိုက်သည်။
အနံ့အသက်ကတအားမဆိုးတော့သော်လည်း စိုးစဉ်းမျှတော့ရနေသေးသည်။ဒါတော့သိပ်ကိစ္စမရှိ။မကြာခင်မိုးလင်းတော့မည်ဖြစ်သဖြင့်…
အခေါင်းအား ဆေးကြောသန့်စင်ရန်သာ ဦးစားပေး၍ လုပ်ဆောင်နေလိုက်သည်။
အခေါင်းအား ဆေးကြောသန့်စင်ရန်သာ ဦးစားပေး၍ လုပ်ဆောင်နေလိုက်သည်။
အခေါင်းတွင်းရှိ စွဲကျန်နေသောအပုပ်နံ့အားပျောက်ကင်းစေရန် မန်ကျည်းသီးများ ပြာများကိုအသုံးပြုကာ ဘမိုးအတော်လေး သန့်စင်လိုက်ရသည်။
မနက်ခင်းပိုင်းတွင်ရေဆေးထားသော အခေါင်းအားနေလှန်းထားပြီး ညနေခင်းတွင် စက္ကူများဖုံးအုပ်ကာအလှဆင် အမွှေးနံ့သာများလိမ်းကျံလိုက်ချိန်မှာတော့ အခေါင်းကအသစ်အတိုင်း ဖြစ်သွားလေတော့သည်။
သမ္ဘာရင့်ဝါရင့်သုဘရာဇာမို့ ဤနည်းဖြင့်အချိန်မီ အခေါင်းပြုလုပ်နိုင်သည်မှာ ဘမိုးအတွက်မဆန်းကြယ်သော်လည်း အကြောင်းမသိသူနီတွတ်တို့ကတော့အံ့သြခဲ့ကြခြင်းဖြစ်သည်။
ဘမိုးအားချောင်းရိုက်ပြီး ပိုက်ဆံများယူသွားသည်မှာလည်း နီတွတ်တို့ပင်ဖြစ်သည်။
ယခုလည်း ငှက်ဆိုးထိုးသံကြောင့် သိပ်မသင်္ကာသဖြင့် အရက်သောက်လက်စကိုခဏရပ်ပြီး နောက်ဖေးတွင်မြှူပ်ထားသော သာမြအမေ၏ အလောင်းအားလာစစ်ဆေးခြင်းဖြစ်သည်။
နောက်ဖေးမြေကွက်လပ်သို့အရောက်…
"ဟင်…"
ဘမိုးခေါင်းနားပန်းကြီးသွားသည်။မြေကျင်းထဲတွင်ဘာမျှမရှိတော့…။
"တောခွေးတွေများလာဖော်သွားတာလား…"
ဓါတ်မီးဖြင့်ဟိုထိုးကြည့် ဒီထိုးကြည့် ထိုးပြီး ရှာလိုက်သည်။
အနီးအနားတွင်အသားစများ ရှာမတွေ့။
မြေကျင်းကတော့ ယင်မဲကြီးများတလောင်းလောင်းဖြင့် ဟောင်းလောင်းဖြစ်နေသည်။
အနီးအနားတွင်အသားစများ ရှာမတွေ့။
မြေကျင်းကတော့ ယင်မဲကြီးများတလောင်းလောင်းဖြင့် ဟောင်းလောင်းဖြစ်နေသည်။
"ထူးဆန်းလိုက်တာ…"
"မထူးဆန်းပါဘူး ဘမိုးရဲ့…"
"ဟင်…"
နောက်ကျောဘက်ဆီမှအသံကြား၍ လှည့်ကြည့်လိုက်တော့ သာမြအမေက အခေါင်းထမ်းပြီးရပ်နေသည်။
"ဟင်…နင်…နင်သေပြီးပြီလေ…နင်ဘာလာလုပ်တာလဲ သွားသွား…ငါ့နားမလာနဲ့"
"ကြောက်မနေပါနဲ့ဘမိုးရယ် သုဘရာဇာလုပ်ပြီးကြောက်တတ်လိုက်တာ သူများကြားရင်ရယ်နေပါဦးမယ် ဟားဟားဟားး"
"နင်ကသေပြီးသားလေ…နင်သေပြီးသားမို့လို့ နင့်အခေါင်းကိုငါယူတာ ငါ့မှာအပြစ်မရှိဘူးနော်…"
"အော်…အပြစ်မရှိဘူးဟုတ်လား…အခေါင်းဆိုတာလူသေတွေအတွက် နောက်ဆုံးပိုင်ဆိုင်မှုတစ်ခုပဲ ဘမိုး…နင်ကငါပိုင်တဲ့ပစ္စည်းကို ငါ့ခွင့်ပြုချက်မရပဲ ယူတယ်…အဲ့ဒီအတွက်နင့်မှာအပြစ်ရှိတယ်…"
"ငါ…ငါတောင်းပန်ပါတယ် မိဂျမ်းရယ်…ငါ…ငါလည်းမလွှဲသာလို့လုပ်လိုက်ရတာပါ…ငါ့ရှင်းပြပါ့မယ်…ငါ့ကိုခွင့်လွှတ်ပါဟာ…"
"ခွင့်မလွှတ်ဘူး ဘမိုး…လုံးဝခွင့်မလွှတ်နိုင်ဘူး…ငါ့အခေါင်းကိုခိုးတဲ့အတွက် နင်လည်းအခေါင်းမရှိပဲသေစေရမယ်…နင်သေစေရမယ်…နင့်ကိုငါသတ်ရမှကျေနပ်မယ်…နင့်ကိုငါသတ်မယ်…"
မိဂျမ်းက ရှေ့သို့တိုးလာသည်။
"မ…မသတ်ပါနဲ့မိဂျမ်းရယ်…ငါတောင်းပန်ပါတယ်ဟာ…ငါ့ကိုမသတ်ပါနဲ့…"
"ကောင်းပြီလေ…ဒါဆို ငါ့ကိုအခေါင်းထဲထည့်ပြီး ငါ့မြေပုံမှာပြန်မြှုပ်ပေး…ဒါဆိုငါခွင့်လွှတ်မယ်"
"ဟင်တကယ်လား…အေး ငါ…ငါလုပ်ပေးပါ့မယ်ဟာ ငါ့ကိုမသတ်ပါနဲ့နော်…"
"အေး…"
ထိုသို့ပြောပြီး မိဂျမ်းကသင်္ချိုင်းထဲသို့ဝင်သွားသည်။သူ့မြေပုံနားအရောက် အခေါင်းကိုကျင်းထဲပစ်ချကာ အခေါင်းထဲသို့ဝင်သွားသည်။
ဘမိုးလဲတုံ့ဆိုင်းမနေတော့ပဲ…ပေါက်တူးယူကာ မြေဖို့ရန်ပြင်လိုက်သည်။
"ငါ့…ငါ့ကိုခွင့်လွှတ်ပါဟာ…ငါတကယ်မလွှဲသာလို့လုပ်လိုက်ရတာပါ…"
မိဂျမ်းအားတောင်းပန်စကားဆို၍ အခေါင်းအဖုံးအားပိတ်လိုက်သည်။
"ဝုန်း…"
ရုတ်တရက်အခေါင်းအဖုံးပွင့်လာပြီး မိဂျမ်း၏ ကြောက်မက်ဖွယ်ကောင်းသော လက်ကြီးနှစ်ဖက်က ဘမိုး၏ လည်ပင်းအားကျစ်ကျစ်ပါအောင်ညှစ်ထားလေတော့သည်။
"အား…အား…မိဂျမ်း…ငါ့ကိုမသတ်…မသတ်…အားးးးးးးးး………………………"
* * * * * * * * * *
မလုပ်သင့် မလုပ်ကောင်းသည့် အရာကို လုပ်ခဲ့သော ဘမိုး…
ငှက်ဆိုးနိမိတ်ကြောင့် လွန်စွာမှ ပျော်ရွှင်ခဲ့သော ဘမိုး…
သူ့အလှည့်အရောက် မပျော်ရွှင်နိုင်တော့ပဲ မိဂျမ်း၏ မြေပုံဘေးနားတွင် မျက်လုံးများပြူးထွက်၍ လျှာတစောင်းကိုက်ကာ ရုပ်ပျက်ဆင်းပျက်ဖြင့် သေဆုံးသွားခဲ့ရလေတော့သည်။
ထိုနေ့မှစ၍ စလူးကုန်းသင်္ချိုင်းတွင် အခေါင်းရောင်းသည့်သုဘရာဇာကြီးမရှိတော့…။
သို့သော် လပြည့် လကွယ်နေ့ညများတွင်တော့ သင်္ချိုင်းအနီး ဘမိုးနေခဲ့သည့်တဲလေးတွင် အခေါင်းစပ်နေသော အဘိုးအိုတစ်ယောက်ကိုတွေ့မြင်တတ်ကြရလေသည်။ ။
ပြီးးးးးးး။ ။
0 comments :
Post a Comment