တစ်ခါက လင်မယားနှစ်ယောက်ရှိတယ်။ ယောက်ျားဖြစ်သူက အစားစားရင်း တီဗီကြည့်နေတယ်။ မိန်းမက မီးဖိုထဲမှာ အလုပ်ရှုပ်နေတယ်။
ရုတ်တရက် မိန်းမကအော်တယ်..
"ယောက်ျားရေ... မီးသီးကျွမ်းသွားလို့ လာလဲပေးပါဦး"
" ငါ မီးပြင်ဆရာမှ မဟုတ်တာ"
ယောက်ျားက စိတ်မရှည်စွာအော်တယ်။
.
တအောင့်နေတော့ မိန်းမက အော်ပြန်တယ်....
"ယောက်ျားရေ... ရေခဲသေတ္တာမအေးဘူး.. လာကြည့်ပေးပါဦး"
"ငါ .. လျှပ်စစ်ပြင်တဲ့သူမှ မဟုတ်တာ"
စိတ်မရှည်တဲ့လေသံနဲ့ ယောက်ျားကအော်တယ်။
.
"ယောက်ျားရေ... တံခါးဂျက်ချမရလို့ လာကြည့်ပေးပါဦး"
"ငါ လက်သမားမှ မဟုတ်တာ..."
ခဏနေတော့ ယောက်ျားက စိတ်ရှုပ်လို့ဆိုပြီး အပြင်ထွက်သွားတယ်။
.
အပေါင်းအသင်းတွေနဲ့ စားသောက်ရင်း အိမ်ကမိန်းမကို အားနာစိတ်ဖြစ်မိတာနဲ့ အိမ်ပြန်လာခဲ့တယ်။ အိမ်ရောက်တော့ ပျက်နေတယ်ဆိုတဲ့ဟာတွေ အားလုံး ပြင်ပြီးသားဖြစ်နေလို့ မိန်းမကို တအံ့တသြမေးတယ်။
"မိန်းမ... မီးသီးလည်း လဲပြီးသွားပြီ.. ရေခဲသေတ္တာလည်း အေးနေတာပဲ.. တံခါးလည်း ပိတ်လို့ရသွားပြီ.. ဘယ်သူပြင်ပေးလိုက်တာလဲ"
.
"ရှင်ထွက်သွားတော့ ကျွန်မစိတ်ညစ်ညစ်နဲ့ အိမ်ပြင်မှာထိုင်နေတုန်း လူတစ်ယောက်ရောက်လာတယ်လေ.. သူက ကျွန်မ မျက်နှာမကောင်းတာမြင်လို့ မေးတော့ ကျွန်မလည်း ပြောပြလိုက်တယ်.. ဒါနဲ့ သူက ဒါတွေကို သူပြင်ပေးမယ် သူ့ကို
ကိတ်မုန့်လုပ်ကျွေးမလား.. ဒါမှမဟုတ် တစ်ခါ နမ်းမလားပြောတယ်လေ"
"ဒါနဲ့ .. မင်း သူ့ကို ကိတ်မုန့်လုပ်ကျွေးလိုက်တာလား..."
"အိုး.... ကျွန်မက ကိတ်မုန့်ဖုတ်ဆရာမှ မဟုတ်တာ..."
😞😞😞😞
အိမ်ထောင်ရေးဆိုတဲ့ တာဝန်ကို ထမ်းပိုးထားရပြီဆိုရင် ဘာအိမ်မှုကိစ္စမဆို ကြိုးစားပြီး လုပ်ဆောင်ကြည့် ရတာပါပဲ။ ကိုယ်တိုင်မလုပ်နိုင်ရင်တောင် လုပ်နိုင်တဲ့ နည်းလမ်းတွေ ရှာရပါတယ်။
"ငါ မလုပ်တတ်ဘူး" ဆိုတဲ့စကားတစ်ခွန်းနဲ့ ကိုယ့်တာဝန်ကို တွန်းချပစ်လို့မရပါဘူး။
အိမ်ထောင်ရေးက နှစ်ယောက်ပေါင်းရဲ့ဘဝပါ။ တစ်ယောက်တည်းနဲ့ သာယာအောင်တည်ဆောက်လို့ မရနိုင်ပါဘူး။
#Credit - နိုင်းနိုင်းစနေ
0 comments :
Post a Comment