မိန်းကလေးတိုင်း တကယ်လိုအပ်တာ ဘာဖြစ်မလဲ? (ဒါလေးတွေကို မသိသေးရင် ရည်းစားမထားနဲ့ဦး)

မိန်းကလေး တစ်ယောက် အမှန်တကယ်လိုအပ်တာက ဘာဖြစ်မယ်လို့ ထင်ပါသလဲ။ မိန်းကလေးတွေရဲ့ စိတ်အာရုံကိုဆွဲဆောင်နိုင်ဖို့အတွက် သူတို့လိုချင်မယ်ထင်တဲ့အရာကို ဖြည့်ဆည်းပေးရမှာ အမှားအယွင်းတွေနဲ့ ကြုံရလေ့ရှိပါတယ်။ ယောင်္ကျားလေးနဲ့ မိန်းကလေးတွေက တွေးခေါ်ပုံချင်းကစလို့ ကိစ္စတော်တော်များများမှာ ကွဲပြားခြားနားကြပါတယ်။ ဒါ့ကြောင့် မိန်းကလေးတွေ လိုချင်တယ်၊ လိုအပ်တယ်လို့ ယောင်္ကျားလေးတွေက လွဲမှားစွာယူဆထားတတ်တဲ့ အချက်(၈)ခုကို စုစည်းဖော်ပြပေးလိုပါတယ်။

၁။ အရမ်းယဉ်ကျေးဖော်ရွေလွန်းခြင်း
ယောင်္ကျားလေးအများစုက ယဉ်ကျေးပျူငှာလွန်းတာကို မိန်းကလေးတွေသဘောကျမယ်လို့ ထင်တတ်ကြပါတယ်။ တကယ်လက်တွေ့မှာတော့ မဟုတ်ပါဘူး။ အရမ်းယဉ်ကျေးလွန်းနေတာမျိုးကို မိန်းကလေးတွေက အသိအမှတ်မပြုတတ်ကြပါဘူး။ အရမ်းယဉ်ကျေးဖော်ရွေတတ်တဲ့ ယောင်္ကျားလေးတွေက သူတို့ရဲ့ ကိုယ်ပိုင်အတွေးနဲ့ ထင်မြင်ယူဆချက်တွေကို ဖော်ပြဖို့ အားနာတုံ့နှေးနေတတ်တာကြောင့် ဖြစ်ပါတယ်။ တကယ်တော့ ယောင်္ကျားပီပီသသ ယဉ်ကျေးစွာပြောဆိုဆက်ဆံတတ်မှုနဲ့ အရမ်းနှိမ့်ချပြီး ယဉ်ကျေးဖော်ရွေတာက မတူညီဘူးဆိုတာကို သတိထားသင့်ပါတယ်။

၂။ သူမရဲ့မိသားစု၊ မိတ်ဆွေတွေနဲ့ သီးခြားဆက်ဆံရေးတည်ဆောက်ခြင်း

ဟုတ်ပါတယ်။ သင့်ချစ်သူမိန်းကလေးရဲ့ မိသားစုဝင်တွေ၊ မိတ်ဆွေသူငယ်ချင်းတွေနဲ့ ဆက်ဆံရေးကောင်းရှိဖို့က ရေရှည်အတွက် အရေးကြီးတာမှန်ပါတယ်။ အထူးသဖြင့် သင့်နဲ့လက်ထပ်တော့မယ့် မိန်းကလေးတစ်ယောက်နဲ့ ပတ်သက်ရာပတ်သက်ကြောင်းရှိသူတွေနဲ့ ခင်မင်ရင်းနှီးတာက အားလုံးအတွက် အဆင်ပြေနေစေနိုင်ပါတယ်။ ဒါပေမယ့် တစ်ခုသတိထားရမှာက ဒီလူတွေအားလုံးက သင့်ကောင်မလေးနဲ့ပတ်သက်ပြီး သိကျွမ်းရသူတွေဖြစ်ပါတယ်။ ဒီအချက်ကို သတိမထားပဲ သင့်ကောင်မလေးကို ကျော်ပြီး လိုတာထက်ပိုတဲ့ဆက်ဆံရေးကို တည်ဆောက်မယ်ဆိုရင် သူမအတွက် စိတ်အနှောက်အယှက်ဖြစ်စရာ ဖြစ်လာပါလိမ့်မယ်။ ဒါ့ကြောင့် ဒီကိစ္စကို ဖြည်းဖြည်းမှန်မှန်ပဲ ရှိနေပါစေ။

၃။ လိုတာထက်ပိုပြီး ချစ်ပြနေခြင်း

မိန်းကလေးတစ်ယောက်ကို လိုတာထက်ပိုပြီး သဲသဲလှုပ်ချစ်ပြနေတာကလည်း လုံလောက်အောင် မချစ်ပြတာနဲ့ ရလဒ်ချင်း တူညီပါတယ်။ ဒါ့ကြောင့် သင့်ရဲ့လှုပ်ရှားမှုကို သူမဘယ်လိုတုံပြန်သလဲဆိုတာကို သတိထားစောင့်ကြည့်ပါ။ လိုချင်တဲ့ပုံစံဖြစ်နေတယ်ဆိုရင် သူမသဘောကျလို့ဖြစ်ပါတယ်။ ဒီလိုမဟုတ်ပဲ မလိုလားတဲ့ပုံစံပြနေရင်တော့ နေရာမှာပဲ ရပ်လိုက်ပါ။ ယုယကြင်နာမှုနဲ့ပတ်သက်လာရင် များများချစ်ပြလေ ပိုကောင်းလေပဲလို့ တထစ်ချမှတ်ယူမထားသင့်ပါဘူး။

၎။ အမြဲဆက်သွယ်နေခြင်း

ဆိုရှယ်မီဒီယာတွေနဲ့ စာတိုပို့နည်းပညာတွေ ထွန်းကားတဲ့ခေတ်ကာလမှာ အချိန်မရွေး တစ်ယောက်နဲ့တစ်ယောက် ထိတွေ့ဆက်သွယ်နေဖို့ အရမ်းကိုလွယ်ကူပါတယ်။ ဒီနေရာမှာ ပွင့်လင်မြင်သာတဲ့ ဆက်သွယ်မှုရှိဖို့က အရေးကြီးပါတယ်။ မကြာခဏဖုန်းတွေဆက်၊ မက်ဆေ့ဂ်ျတွေပို့ပြီး အဆင်ပြေရဲ့လား၊ စားပြီးပြီလာ စသဖြင့် မေးမြန်းဂရုစိုက်တာမျိုးကို သဘောကျတဲ့ မိန်းကလေးမျိုးနဲ့ သင်တွေ့ရင်တွေ့ခဲ့ဖူးမှာပါ။ ဒါပေမယ့် အခုလက်ရှိ သင့်ချစ်သူမိန်းကလေးက အလုပ်ကိုပဲ အပြည့်အ၀အာရုံစိုက်တတ်သူဖြစ်နေမယ်ဆိုရင် မကြာခဏဆက်သွယ်နေတာမျိုးက သူမကိုစိတ်အနှောက်အယှက်ဖြစ်စေနိုင်ပါတယ်။ ဒါ့ကြောင့် သင့်အနေနဲ့ တစ်နေ့တာမှာ ဘယ်နှစ်ကြိမ်လောက် ဆက်သွယ်တာက နှစ်ယောက်စလုံးအတွက် အကောင်းဆုံးဖြစ်မလဲဆိုတာက ဆန်းစစ်သိမြင်တတ်ဖို့ လိုပါတယ်။

၅။ စိတ်ခံစားမှုကို ထုတ်ဖော်မပြခြင်း

ယောင်္ကျားလေးတွေမှာ ချစ်သူရည်းစားတွေအကြား စိတ်ခံစားမှုအခြေအနေနဲ့ပတ်သက်ပြီး အစွန်းရောက်တဲ့ အယူအဆတွေရှိနေတတ်ပါတယ်။ တချို့တွေက နည်းနည်းလေးဆိုတာနဲ့ ထိလွယ်ရှလွယ်ခံစားတတ်ကြပြီး တစ်ချို့တွေကတော့ သူတို့ရဲ့ခံစားမှုတွေကို လုံးဝမျိုသိပ်သိုဝှက်ထားတတ်ကြပါတယ်။ တကယ်တမ်းတော့ မိန်းကလေးတွေက ခံစားမှုအရမ်းပျော့ညံ့သူတွေနဲ့လည်း လက်မတွဲချင်ကြသလို စိတ်ခံစားမှုလုံးဝမရှိတဲ့ ပုံစံမျိုးကိုလည်း မကြိုက်တတ်ကြပါဘူး။ ဒါ့ကြောင့် သင့်မိန်းကလေးရဲ့ စိတ်ခံစားမှုကို မျှဝေခံစားပေးသလို သင့်ရဲ့ခံစားချက်ကိုလည်း အထိုက်အလျောက်ပြသပါ။

၆။ ဘာညာကိစ္စ စာတွေပို့ခြင်း

သင့်မိန်းကလေးရဲ့ စိတ်ကိုနှိုးဆွဖို့အတွက် ဘာညာကိစ္စ စာတွေပေးပို့တာက မှန်မှန်ကန်ကန်အသုံးမချတတ်ရင် အရမ်းအန္တရာယ်များတဲ့ ကိစ္စတစ်ခုဖြစ်ပါတယ်။ စာလုံးတွေနဲ့ပဲ ဆက်သွယ်ရတာက သင်ပြောချင်တဲ့အကြောင်းအရာကို အပြည့်အ၀ပုံဖော်ပေးနိုင်ဖို့ ခက်ပါလိမ့်မယ်။ ဒါ့အပြင် သူမရဲ့ အကြိုက်ကို သေချာမသိသေးပဲ ဒီလိုစာတွေပေးပို့မယ်ဆိုရင် မိန်းကလေးအတွက် စိတ်ပျက်သွားစေနိုင်ပါတယ်။ နောက်ထပ်အရေးကြီးတာက ဘာညာကိစ္စ စာတွေပေးပို့တာက သူမကို စွဲလမ်းနေတယ်ဆိုတဲ့ အချက်ကိုမပေါ်လွင်စေပဲ သူမဆီက ဒီကိစ္စပဲတောင်းဆိုနေတယ်လို့ ထင်သွားနိုင်ချေရှိပါတယ်။

၇။ ပြဿနာတွေကို ကိုယ်စားဖြေရှင်းပေးဖို့ ကြိုးစားခြင်း

မိန်းကလေးတစ်ယောက်က အကြောင်းတစ်ခုခုနဲ့ပတ်သက်ပြီး သင့်ကိုပြောပြလာပြီဆိုရင် ဘာလုပ်ရမလဲလို့ မမေးမချင်း သင့်ဆီက ကူညီဖြေရှင်းချက်ကို လိုချင်လို့ပြောနေတာမဟုတ်ပါဘူး။ ဒါပေမယ့် ယောင်္ကျားလေးအများစုက ပြဿနာဖြေရှင်းရတာကို အားသန်တဲ့အတွက် ဖြေရှင်းပေးချင်တတ်ကြတာက ခက်နေတာဖြစ်ပါတယ်။ သူမအတွက်တော့ သင့်က ဖွင့်ဟတိုင်ပင်ဖို့ ယုံကြည်စိတ်ချက်ရသူတစ်ဦးအဖြစ် ယူဆပြီး သူမကိုယ်တိုင်ဖြေရှင်းနိုင်ဖို့ သင့်ကိုကူညီပေးစေချင်ရုံပဲ ဖြစ်ပါတယ်။

၈။ နောက်ရှောင်နေပြီး သူမကိုပဲ ဆုံးဖြတ်ချက်ချခိုင်းခြင်း

ယနေ့ခေတ်ရဲ့ အမျိုးသားတွေက တကယ်ကိုစိတ်ရှုပ်နေကြရပါတယ်။ ကျွန်တော်တို့အားလုံးက ကျားမတန်းတူဖြစ်ရေး၊ အမျိုးသမီးအခွင့်အရေးစတာတွေနဲ့ ရင်ဆိုင်နေရပြီး မိန်းကလေးတွေကို ဖေးမကူညီဖို့၊ လေးစားဖို့ ဦးစားပေးဖို့ အမြဲတမ်းတိုက်တွန်းခံနေရပါတယ်။ ဥပမာပြောရရင် လုပ်ငန်းခွင်ထဲမှာ သာတူညီမျှတဲ့ လုပ်ခလစာပေးတာမျိုးကိုဆိုလိုပါတယ်။ ဒါပေမယ့် ဒီလိုကျားမမခွဲခြားရဘူးဆိုတာမျိုးက မိန်းကလေးကိုပဲ အမြဲဦးစားပေးပြီး နေရာတကာသူမဆုံးဖြတ်ချက်အတိုင်း လုပ်နေဖို့မဆိုလိုပါဘူး။ သင့်မိန်းကလေးက အလုပ်ထဲမှာ ရာထူးအခွင့်အာဏာရှိသူဖြစ်ပေမယ့်လည်း အပြင်မှာသင်နဲ့ချိန်းတွေတဲ့အခါ သင်ဦးဆောင်စီစဉ်တာမျိုးကို အလိုရှိတတ်ပါတယ်။

အဆုံးသတ်အနေနဲ့ဆိုရင် လူတစ်ဦးချင်းတစ်ယောက်ချင်းဆီမှာရော၊ ချစ်သူရည်းစားဆက်ဆံရေးတိုင်းမှာပါ ကွဲပြားခြားနားမှုတွေ ရှိတတ်ပါတယ်။ ဒါ့ကြောင့် သင်တို့ချစ်သူနှစ်ဦးကြား ဆက်ဆံရေးအခြေအနေကို လေ့လာပါ၊ လိုအပ်တာတွေကို သင်ယူပါ။ ချစ်သူမိန်းကလေးနဲ့ အလိုက်အထိုက်ကို နားလည်အောင် ကြိုးစားပြီး မှန်မှန်ကန်ကန်ဖြည့်စွမ်းပေးနိုင်ပါစေ။

Credit:mmgentleman

Admin Unknown

ApannPyay Website ပေါ်တွင် ဖော်ပြတင်ဆက်သော သတင်း၊ ဆောင်းပါး၊ ဗဟုသုတများကို မည်သည့် Facebook စာမျက်နှာ၊ Website များတွင်မဆို ခွင့်တောင်းခံစရာမလိုပဲ မူလ Credit မပါသော ပို့စ်မျာကို Credit-ApannPyay ပေးပြီး ပြန်လည်ကူးယူ မျှဝေဖော်ပြနိုင်ပါသည်။